參觀高鐵站合照 郭偉强批泛民舉中指
[2018.09.01] 發表
【明報專訊】廣深港高鐵本月底通車，多區嘅區議員前日一齊去參觀高鐵西九龍站，包括幾位民主派區議員。不過，東區區議員麥德正、古桂耀同徐子見，喺區議員大合照時竟然一齊笑笑口、「舉中指」，但舉到鬼鬼祟祟咁，畀本身係東區區議員嘅工聯會立法會議員郭偉強炮轟，批評佢哋表裏不一，既要享受獲優待嘅參觀，但又舉中指。麥德正同Emily講，影大合照時有人叫畀like(即豎起拇指)，但佢心中唔like， 因此「玩吓」做其他手勢，至於係咪舉中指，麥德正話：「你話係中指咪係」。
郭偉強喺facebook公開有關相片，佢話自己唔喺香港無去參觀，但批評泛民議員舉中指，話佢哋「全程享受優待，卻在大合照集體舉中指(在隱隱瞞瞞、有嬉皮笑臉)，實在表裏不一。」郭偉強形容，泛民對一地兩檢恨之入骨，但質疑佢哋「會否拒絕搞西九上車的街坊高鐵團？」
麥德正質疑「造勢團」
麥德正同Emily講，參觀高鐵站係盡議員責任，希望了解更多內地人員執法情?，但可惜整個行程都睇唔到內地口岸區，但就不斷要影相，質疑只係「造勢團」。
更多港聞
劉鳴煒教青年面試「keep it simple」
【明報專訊】青年事務委員會副主席、華人置業主席劉鳴煒噚日出席第三屆「香港青年服務領袖獎」獎勵計劃評選日，做評審揀選優秀嘅制服團體青年領袖。佢... 詳情
【明報專訊】大律師公會指兩名成員被拒到北京大學任教雙方合辦嘅公法課程，前公會主席余若薇周三喺網台節目話，由於另一前主席譚允芝其所屬律師樓名義...
詳情
相關新聞
