黃斑病變 黃碧雲要做手術
[2018.08.20] 發表
【明報專訊】立法會暑假休會，民主黨議員黃碧雲目前喺美加度假，不時喺網上分享去玩、食龍蝦等相片，早幾日就去咗哈佛大學同麻省理工學院，之前又去咗釣魚，非常寫意。黃碧雲同Emily講佢後日就會返港，但之後要做一個眼科手術。
碧雲話，佢之前驗眼，發現右眼有黃斑病變，問題唔算好嚴重，不過醫生都建議佢做手術，所以佢都決定做，今個月28號做完手術，估計都要休息番一兩個星期。咁擔唔擔心影響工作？碧雲話都無辦法，身體要緊嘛。究竟咩係黃斑病變？其實視網膜功用好似相機菲林，用嚟接收光同影像信息，視網膜中央位置稱為黃斑區域，佈滿感光神經細胞，令人可以清晰睇到物件細節同顏色，病變就係黃斑點退化。黃斑病變病理成因有好多，包括創傷、感染、退化等。
更多港聞
相關新聞
