卿姐批陳帥夫趁外訪旅遊「無貨交」 景點相遇 陳：開咗兩晚夜 假期「散吓步」
[2018.08.18] 發表
【明報專訊】聯合國消除種族歧視委員會日前喺瑞士日內瓦舉行聆訊，包括審議港府提交嘅報告，人權監察成員劉慧卿等多個民間組織代表，亦到當地旁聽。團體噚日開記者會匯報今次聆訊，卿姐就爆料指喺當地周日(12日)參觀接壤瑞士嘅法國白朗峰時，碰到代表港府出席聆訊嘅政制及內地事務局副局長陳帥夫，卿姐話官員外訪時趁假期去旅遊，並非不可接受，但就唔滿意陳帥夫喺聆訊嘅表現，認為佢應該用空閒時間做好準備咁話。
聆訊喺瑞士時間上周五(10日)同本周一(13日)舉行，卿姐話，佢同朋友周日喺法國白朗峰，碰到陳帥夫同親戚去呢個著名景點旅遊，卿姐引述陳當時同佢講，話已準備好周一聆訊嘅內容，但陳喺周一聆訊上，只係講咗幾分鐘嘢，亦無親口回應部分委員上周五提出嘅問題，只係以書面報告處理。卿姐批評，陳帥夫假日去玩之前，未有為聆訊做好功課。
被批只書面回應 稱已做凸
對於畀卿姐話無做嘢，陳帥夫噚日向Emily大呼「冤枉」，強調自己同同事喺上周五聆訊後，連續兩晚開夜趕工回應委員提問，相關回應已加咗落書面報告，又話今年聯合國其實無要求港府交書面報告，但佢哋都交?70頁報告，已係做凸。至於參觀白朗峰，陳帥夫話當日係星期日，委員會無會議，自己只係趁假期去「散?步」，一毫子公帑都無用過。
更多港聞
指政府有責任警告FCC 梁美芬：作為業主態度都冇
【明報專訊】香港外國記者會（FCC）邀請香港民族黨召集人陳浩天出席午餐會演講，引起外交部駐港公署、特區政府同建制派批評。港區人大代表鄭耀棠噚... 詳情
視察粉嶺高球場偶遇運動員 葉太：高球新秀讚場地理想
【明報專訊】「土地供應大辯論」嘅18個選項中，包括收回粉嶺高爾夫球場，成為其中一個討論焦點，多個行會成員都係高球會會員，包括新民黨主席葉劉淑... 詳情
相關新聞
