區諾軒1號波跑越野賽 緣慳野豬
[2018.08.13] 發表
【明報專訊】噚日全日掛起1號波，朝早橫風橫雨，立法會議員、南區區議員區諾軒就照樣走去參加越野賽，由香港仔郊野公園出發，跑去石排灣，全程大約8.4公里。區諾軒話用咗1個鐘頭3分鐘先完成，時間仲慢過之前跑10公里賽，佢話今次係第一次跑山，形容「成績唔好」，話跑越野賽辛苦啲。
區諾軒噚日參加「南區越野賽」，佢話的確有?驚驚哋，因為比賽途中需要經過山澗，但佢相信主辦單位嘅工作人員係有衡量過天氣問題，決定繼續舉行。區諾軒同兩個辦事處同事一齊參加，但佢先起步，因此錯過同野豬碰頭嘅機會。佢話同事途中見到一家幾口嘅野豬家庭，笑言野豬們並無理啲參加者，即使喺野豬面前跑，啲野豬都無去追人。
更多港聞
相關新聞
