【明報專訊】政府會喺8月4號取消旺角西洋菜南街行人專用區，意味29號將會係旺角最後一次行人專用區。九龍西立法會議員毛孟靜過去幾年不時喺旺角行人專用區辦論壇，噚日就舉辦最後一次，搵咗劉小麗、民陣前召集人岑子杰同浸大高級講師呂秉權，討論「香港人與立法會何去何從」。Ms Mo話都有少少唔開心，但覺得行人專用區已「完成歷史任務」，話當區居民確受唔住滋擾。
Ms Mo同Emily講，有朋友住喺當區，形容噪音滋擾簡直係精神虐待。至於日後會唔會移師其他地方再辦街頭論壇？Ms Mo話會嘅，但擔心未必搵到一個開放嘅地方。
噚日有唔少市民出席論壇，呂秉權同大家講解中聯辦喺香港嘅政策同舉動；劉小麗就提及近日沙中線問題，呼籲市民一定要繼續關注。
