世界盃已進入淘汰賽階段，英國《BBC》及法國《隊報》就選出了分組賽最佳陣容，其中基斯坦奴朗拿度(C朗)榜上無名，亞洲三將孫興#、趙賢祐及本田圭佑則入圍。本報球評就隔空與BBC來個點評大對決，睇#蘇柏高及路斯又有乜心水？ 強隊未受考驗 重新認識法卡奧 蘿蔔青菜各有所愛，一屆世界盃32隊、每隊23個球員，唔同球迷能夠選出相同最佳陣容的或然率，就算唔係零也差無幾。柏高向來偏好不搶鏡但負責許多dirty work的team player，今次更特別的是，因分組賽較多強弱懸殊局面，故揀人時加入額外條件：冇踢晒3場要扣分，踢晒但欠穩定的要扣分，同組對手太渣的要扣分。 以此準則，英格蘭及比利時無奈講sorry。無可否認兩軍俱有不少隊員發揮出色，柏高卻無法說服自己肯定他們乃堅出色，最終只能盡棄歐洲紅魔；英軍亦僅屬逼不得已畀面，讓暫時領先射手榜的哈利卡尼入圍。撇除入球若非源自死球就是行運行到落腳#，哈仔實際上做了很多拉邊引開敵衛的工作，造就連格等隊友於open play獲大量入楔空間，只是交出同等貢獻的中鋒也不獨他一個。今屆優秀的all-round中鋒行列中，迪亞高哥斯達偶有幾腳靈光一閃，整體卻不太恆常產生作用，這或與戰術不夠明確有關，究竟要他墮後讓中場後上，抑或主力留在禁區等機會，希亞路似乎未有定案。真正令柏高重新認識的乃法卡奧，尤其在首戰近乎全場打少個，他堪稱一個人做三個人##，退到中場串連攻勢再返番最前點、走channels落底待中場後上呼應、在任何地方均實行快速逼搶，走位#位皆顯出隨年齡增長的火候。 鋒線最後一席為安達卡里路，即使秘魯提早出局，他卻每場都保持傑出表現，難怪感嘆「有些苦澀，因我們好過丹麥，甚至有幾個時段好過法國」。同樣主力右路的岩拉伯特，同樣乃僅有已告別俄羅斯的另一人；第1場他略受摩洛哥的突兀部署(邊衛推前由翼鋒補位)兼撞傷頭限制，惟接#狂爆葡萄牙及幾乎射死西班牙，演出有目共睹。 中後場的選擇應該沒有太大爭議，但要畀credit予個人不突出、憑團隊合作跟強敵周旋的日本與伊朗(及其他)。後衛之一取堤亞高施華，其冷靜指揮和盯人補位返晒#，入波更屬bonus，而巴西亦成唯一多過1人上榜的球隊。較冷門的大抵為門將。奧祖亞無疑失波偏多，卻實在非佢責任(如果怪責提場不足就真係冇得拗)；相反若非他維持平穩兼幾番神救，墨西哥肯定不止吞瑞典3蛋，也恐怕贏唔到德國出唔到線。
|
| |
| |
