明年71歲 黎青龍教授「被迫」轉兼職

【明報專訊】本港肝病權威、香港大學內科學系講座教授黎青龍(圖)喺港大工作逾半世紀，診症同教書從未間斷，曾明言未有退下前線嘅念頭。明年踏入71歲嘅佢話，近日接獲通知，明年中不再獲續約擔任全職教授，形容係「被迫」轉兼職。

港大工作半世紀 診症教書未間斷

黎青龍多年來喺瑪麗醫院為公立病人診症、喺醫學院教學，每周用一兩個半晝睇私家症病人，佢同Emily講，唔想轉做兼職，希望繼續保留全職教授身分服務病人。

佢又話，日後唔可以繼續喺瑪麗睇私家症，要轉去港大醫學院有份管理嘅私家醫院港怡醫院睇症，感覺「煩到死」。至於教學、瑪麗病人則無影響，佢希望日後可以繼續現有嘅教學及診症時數，「我根本唔鍾意出去做」。

轉去港怡睇私家症 「煩到死」

黎青龍仲話，自己雖已過退休之齡，仍可應付教學同診症嘅工作量，佢已經第三次延遲退休，至明年5月31日屆滿，近日就接到港大通知，話𠵱家份合約已經係最後一次續約(last extension)。佢話唔明白點解大學「咁固執」要佢轉兼職。

黎青龍又話，據佢所知港大全職教授全部都無超過70歲，佢質疑港大以70歲為全職教授續約年齡上限唔合理，美國嘅大學並無設立教授退休年齡，認為港大應該「反省一下」。

更多港聞

引述萬字對話 梁振英論梁天琦暴動案

【明報專訊】全國政協副主席梁振英（CY）近期頻頻喺facebook論政，最近佢好關注梁天琦暴動罪成案，兩度發文評論《蘋果日報》嘅報道，噚日佢... 詳情

為海龜下一代 許智峯海灘執垃圾

【明報專訊】海龜繁殖季節將至，有環保團體召集近2000名義工，前日頂着酷熱天氣喺石排灣同深灣沙灘清理雜物，為即將上岸嘅海龜提供理想繁殖環境。... 詳情

田北辰三跑議案 建制否決泛民撐

【明報專訊】實政圓桌召集人田北辰貴為建制派一員，但噚日佢提議案，又遭一眾建制派投反對票，反而民主派議員支持佢。 立法會經濟發展事務委員... 詳情

港首名ICRC院校實習生 去日內瓦總部

【明報專訊】香港科技大學同紅十字國際委員會（ICRC）合作，為一名科大生預留實習機會，係ICRC首次預留實習生名額畀本港院校嘅學生，合作同時... 詳情

青協調查﹕教師支援SEN生技巧薄弱 外購服務訓練 學生未能應用

【明報專訊】有特殊教育需要（SEN）學生愈來愈多，但學校支援未必到位。青協一項有關小學SEN學生支援調查發現，教師對SEN學生的支援技巧薄弱... 詳情