運動拉傷 張建宗戴腳托訪心光
[2018.05.22] 發表
【明報專訊】政務司長張建宗返工就興奮，近日整親腳嘅佢，唔請病假之餘仲繼續周圍出席活動，噚日佢就著住腳托出席心光恩望學校舉辦嘅視障兼多重障礙學生教育論壇，致辭講足10分鐘，認真犀利。Emily聽聞，張建宗近日趁天氣好喺室外運動，唔小心拉傷腳，傷勢唔嚴重，唔需要做手術，但由於司長要經常走動，醫生就建議佢戴腳托固定。
張建宗朝早出席活動時形容自己係心光忠實擁躉，又為「心光歷史廊」、「運動室」揭幕剪綵及參觀，並同院友合照。
政府新聞處事後發咗5張司長出席活動嘅相片，都無影到佢下半身，而致辭短片中就有幾秒影到著住西裝嘅司長，左腳戴住腳托。據了解，今日佢又會到中環遮打花園，出席一個同大灣區有關嘅活動。
更多港聞
【明報專訊】Emily有時候聽政府講政策方向，如「錢跟人走」就聽得多，近來先聽聞原來有「熱水爐跟人走」嘅做法。
話說唔少紀律部隊人員同...
詳情
【明報專訊】新民主同盟大埔區議員關永業噚日喺facebook話自己「第一次去信商務及經濟發展局」，並上載圖片，但「信件」係區議會文件再加佢嘅...
詳情
相關新聞
