五月天黃牛飛炒燶 有門票平正價四成

【明報專訊】台灣樂隊「五月天」今日起喺香港迪士尼樂園停車場舉行6場演唱會，Emily上網睇過，發現唔少黃牛飛炒價已經大幅回落，仲有飛係平過正價四成，原價880元門票，494元就買到，至於最平嘅原價680元門票，最平450元起有交易。另外，買咗飛嘅觀眾到時除咗可以搭港鐵到迪士尼，大會亦安排咗7條入場巴士線，同6條離場線來往市區同迪士尼。

Emily噚日下晝上過交易平台「StubHub」、「Viagogo」，同埋社交網站Instagram睇過，仲有唔少門票出售，5月13日尾場、原價880元C區門票，最低以494元放售，較原價平最少40%。至於680元企位門票，亦低見450元。上月被炒高12倍嘅原價1180元門票價格亦大跌，尾場門票最便宜1679元有交易。

場內最多可以容納2萬人，大會就話，觀眾入場前都要接受保安檢查，唔可以帶任何金屬或玻璃容器、摺椅、自拍棍等，表演雖然喺晚上7點15分開始，但觀眾下晝5點開始就可以入場喇。

更多港聞

支聯會辦工作坊 做手作傳承六四

【明報專訊】今年是「六四事件」29周年，支聯會除了在石硤尾賽馬會創意藝術中心（JCCAC）設立專題展，講述六四事件經過，亦會舉辦幾個文化手工... 詳情

禮賓處刪字 否認「改寫歷史」 張建宗﹕「主權移交」係便利用語

【明報專訊】政府總部禮賓處早前刪除網站上原有嘅「主權移交（handover of sovereignty）」字眼，引起質疑，政務司長張建宗噚... 詳情

投訴官員答問水平差 陳健波贏掌聲

【明報專訊】保險界立法會議員、財委會主席陳健波（波哥）批評過官員嘅答問題技巧，佢噚日趁特首林鄭月娥出席立法會特首答問會，當面投訴有官員喺財委... 詳情

舊樓天台裝圓拱休憩處 IVE生贏市建設計獎

【明報專訊】唔少長者喺舊區生活，部分人嘅居住環境狹窄，甚至冇電梯，不過舊區都可以憑創意點子令長者住得舒適。市建局同職業訓練局屬下香港專業教育... 詳情

理大物理治療增20學額 新校舍落成後有望增至200

【明報專訊】去年食物及衛生局檢討醫療人力規劃，推算2030年將欠900多名物理治療師。為應付人力需求，香港理工大學將於2019/20學年增加... 詳情