教協45歲 林鄭答應赴會慶 馮偉華唔怕被話「行埋一齊」

【明報專訊】香港教育專業人員協會已踏入45周年，為隆重其事，教協話大事慶祝，5月19日辦大型酒會及展覽，特首林鄭月娥仲答應出席。會長馮偉華話教協唔算缺錢，屆時唔會籌款，所以林太唔使擔心。今次係首次有特首出席教協會慶，算係突破，馮偉華就話唔怕畀人話教協同政府「行埋一齊」，話林太去教協活動、了解多啲教育界睇法係好事。

首次有特首出席

馮偉華話，以往佢哋每5年搞一次大型慶祝會，通常喺教協會所搞，但今年想搞大少少，為方便保安及管理，租用紅磡葛量洪校友會黃埔學校禮堂辦酒會，等多啲朋友可以參加。馮偉華同Emily講，教協已故領導司徒華曾經係呢間學校嘅校監，同教協有淵源，喺學校搞教育界活動比去酒店場地搞更有意義，且慳錢平實啲。

以往教協會慶主要請局長出席，但上次40周年例外，當時唔請局長，因為認為局長唔得掂；今次45周年，佢哋約兩個月前向林太發邀請。馮偉華話，林太未上任已同教協等團體傾教育撥款，而林太亦顯示肯就教育議題同教協商討，唔似上任特首做法。馮認為教協同林太都有善意，認為林太出席活動係認同教協嘅代表性，去教協活動亦可令佢了解多啲教育界看法。除咗酒會，教協近期都搞咗唔少「蛇齋餅糉」活動，包括早排辦蛇宴，仲有唔少康樂活動及優惠。

更多港聞

那些年多頭髮 高難度估司局長

【明報專訊】政府之前宣布會舉辦「與司局長同行」計劃，高中學生可以申請參加，成為司局長嘅「工作影子」，政府噚日推出最新宣傳片段，鼓勵年輕人參加... 詳情

九西掛滿新橫額 梁文廣：經民聯補選準備足

【明報專訊】立法會仲有九龍西同新界東兩個議席空缺，被取消議員資格嘅劉小麗講過，如果唔可以申請加快上訴程序，可能會考慮撤回上訴，換言之就可以快... 詳情

工程師倡黃竹坑建16幢百層高住宅

【明報專訊】土地供應專責小組正就18個土地選項諮詢公眾，繼早前有工程師同商界推薦喺貨櫃碼頭起「天空之城」後，再有工程師提出「藥方」，建議喺黃... 詳情

「我都歪過」 楊文蔚祝囚友搵到喜歡嘅嘢

【明報專訊】懲教署噚日上載一條名為《高．非不可攀》嘅短片，拍攝「跳高女神」楊文蔚（圖）首次到監獄，仲參與入面嘅廣播節目《淺談更生》，同兩名在... 詳情

逾半受訪童睡眠不足 四成做功課起碼2小時

【明報專訊】本地學童學業壓力問題備受社會關注，有機構就小學學童的作息及做功課時間等，共訪問1060名本地小學學生。調查結果發現，超過四成受訪... 詳情