濕熱街馬 264人不適 邊跑邊食鮑魚牛柳粒

街馬大會準備嘅美食全部都細細粒，好似鮑魚、牛肉等，用牙籤拮住，方便跑手跑住食。（曾憲宗攝）

適逢今年狗年，有跑手就帶埋「跟尾狗」一齊參與活動，非常吸睛。（曾憲宗攝）

大會設有「最玩嘢扮相大獎」，唔少跑手「盛裝出席」。（曾憲宗攝）

【明報專訊】由社企「全城街馬」主辦嘅第5屆「香港街馬@九龍」噚日開跑，活動今年以「玩?食跑」為主題，10公里及半馬拉松兩個組別嘅比賽吸引近11,000跑手參加，噚日天氣比較熱同濕度略高，但無損一眾跑手嘅熱情，場面熱鬧。大會補給站提供一口鮑魚、牛柳粒、缽仔糕同用杯裝起嘅一啖叉燒飯及珍珠奶茶等飲品，部分跑手短暫停留喺補給站開餐，但秩序良好，唔會阻住賽道。

除咗各組別冠亞季軍外，大會設有多個特別獎項，當中「最玩嘢扮相大獎」會送出香港來回日本機票、里數等獎品，吸引各種「動物」、「野人」、「蜘蛛俠」等角色出動，最終由扮「禮服蒙面俠」嘅參賽者奪得個人組冠軍。

創辦人﹕只想大家輕鬆食住跑

今年街馬第一次改由觀塘繞道出發，跑到終點啟德前跑道。有跑手同Emily講，部分路段有啲窄，但未算好擠迫；部分路段附近有建築工程，有少少沙塵。大會指示都算清晰，不過大會行李領取區嘅安排就有待改善，大批跑手完成比賽後都等咗半個鐘先攞到寄存行李。

衛生署衛生防護中心之前喺facebook呼籲跑手要「認真跑」，指邊跑邊食高脂肪高蛋白質嘅食物，會令供應肌肉嘅血液相對減少，影響運動表現；完成10公里賽事嘅「全城街馬」聯合創辦人及行政總裁梁百行就話，唔覺得係負面批評，只係雙方角度唔同，又指大會唔係鼓勵跑手要破紀錄，希望佢哋可以輕輕鬆鬆，一邊跑一邊食去享受跑步，下年會繼續提供小食。

今次賽事，有264人不適或受輕傷，1人因氣促送院，需留院觀察，情况穩定。

更多港聞

天台割菜 林鄭訪光屋吃開年飯

【明報專訊】特首林鄭月娥噚日同勞福局長羅致光，去到社區房屋「深井光屋」，同幾十個住客一齊食開年飯慶祝新年。林太過去多次出席「光屋」嘅活動，因... 詳情

吳文遠連任社民連主席 黃浩銘獄中連任副主席

【明報專訊】社民連噚日舉行周年會員大會，選出新一屆行政委員會成員，吳文遠連任黨主席，而目前正喺獄中嘅黃浩銘亦成功連任副主席，另一名副主席就由... 詳情

泛民議員盼俞正聲DQ梁振英

【明報專訊】全國政協會議將於3月在北京召開，22名民主派立法會議員向主席俞正聲呈交信件，要求中央DQ前特首梁振英續任政協副主席。佢哋當中6名... 詳情

花車巡遊撐一地兩檢

【明報專訊】立法會正審議高鐵「一地兩檢」法案，政府希望可以喺7月立法會休會前通過，令高鐵如期通車，香港廣東社團總會噚日喺立法會門外舉行支持一... 詳情

一人生病 全班戴口罩 復課防流感 學校索外遊紀錄

【明報專訊】幼稚園和小學早前因應流感肆虐停課，提早放農曆新年假，不少學校也會於今天復課。有幼稚園校長表示，已發信要求家長替子女戴口罩；也有小... 詳情