借5狗拜年 波哥舞唔掂
[2018.02.16] 發表
【明報專訊】狗年將至，立法會財委會主席陳健波就應節地搵咗5隻小狗一齊拍片，同大家拜年，但5隻小精靈好活潑，點會乖乖坐定同波哥拍片吖，結果佢哋就喺鏡頭前走來走去，波哥雞手鴨腳，自己都忍唔住笑，唯有靠朋友伸出「幕後黑手」幫佢安撫小狗，先可以成功同大家拜年。
朋友出手安撫小狗
波哥話，今次借用朋友5隻小狗粉墨登場，一開始仲講明，佢哋好活潑，如果拍片時見到混亂場面，都唔使覺得驚奇喎。波哥首先拎起揮春祝大家「五福臨門」，此時小狗已經喺佢身邊團團轉，要人幫手安撫。波哥又話趁噚日情人節祝大家「天長地狗」；投資方面就想大家「十拿狗穩」。佢最後抱住其中一隻叫美美嘅狗狗，話希望財委會開會都能夠好生猛，快啲審理撥款，唔好再拖延喎。
更多港聞
【明報專訊】檢討小三全港性系統評估（TSA，其後易名為BCA，即基本能力評估）委員會昨天早上開會，但仍未決定今年TSA或BCA會否推行。據了...
詳情
【明報專訊】本報昨天報道有教大教員控訴該校續約升職的要求不清晰，校方近期亦傾向聘請研究表現優異的學者，但有教員指該校教員工作量大，兼顧教學、...
詳情
相關新聞
