未夠68不獲續任政協 林雲峰拒回應
[2018.01.27] 發表
【明報專訊】新華社前日公布新一屆全國政協委員嘅名單，喺特邀香港人士組別中有唔少政協委員因為年屆68歲而要退任，不過亦有人未夠鐘但都冇得續任，包括建築師林雲峰(圖)。
政圈中人認為林雲峰係因為2016年立法會選舉，參選建築、測量、規劃及園境界，同前議員謝偉銓互相𠝹票，搞到謝連任失敗，令姚松炎漁人得利當選，所以唔可以續任，謝偉銓就獲委任為新一屆全國政協。林雲峰噚日現身立法會財委會會議，因為佢有份參與建築設計嘅香港大學新教學大樓，要上財委會攞撥款興建。
佢會後被大批記者追問點解冇得繼續做政協，以及會否參選3月立法會建測規園界補選，佢只答咗句「今日嚟立法會唔係講呢啲，多謝關心」，再問佢會唔會支持參加補選嘅謝偉銓，佢都冇正面回應，淨係話要「join番我啲團隊」。
更多港聞
【明報專訊】「前任行政長官及政治委任官員離職後工作諮詢委員會」噚日公布前運輸及房屋局長張炳良，以及前民政事務局副局長許曉暉離職後嘅工作。張炳...
詳情
相關新聞
