天文台長叫傳媒 「唔好跟車太貼」
[2018.01.26] 發表
【明報專訊】在政治圈跟車太貼隨時出事，原來預測天氣都係咁。天文台除咗預報9日天氣，早排增加咗由電腦直接輸出嘅溫度概率預報，唔單止預測14日後嘅氣溫，仲有概率，不過天文台長岑智明噚晚就喺facebook話有傳媒跟車太貼，搞到預測氣溫一時一樣，溫度變化太大。
預測氣溫「搞到一時一樣」
噚晚台長仍身處瑞士主持世界氣象組織航空氣象學委員會管理組會議，忍唔住喺facebook貼文，話上星期一(15日)已經有個別傳媒「炒作」兩星後、1月28日(星期日)溫度會低至5℃到6℃，當時天文台已經喺天氣隨筆撰文拆解謬誤，呼籲傳媒唔好「跟車太貼」。前晚又有傳媒話天文台預測周日(28日)最低6℃，一時又話12℃，差異甚大，台長話「講嘢唔該公道啲，睇清楚啲事實先講，好唔好？」
台長似乎好勞氣，繼續話「大家睇睇過去10日嘅電腦預報，其實好清楚睇到電腦對於27至28日的跌溫已經大幅「減價」，所以千祈唔好跟車太貼，同埋唔好有咁低就講咁低。台長又話，其實電腦對於28日之後嘅低溫預報都相當一致，最大機會係9℃度左右，叫大家拭目以待喎。
更多港聞
【明報專訊】每年農曆新年檔期，商場都會舉辦大型活動，希望藉此增加消費額，海港城今年除咗連續第九年舉辦「情 • 尋朱古力」，市民可以一次過品嘗...
詳情
9大學5「斷莊」 學生憂禁足內地澳門 學生會招人難
【明報專訊】9間大學相繼出現沒有學生會候選內閣（俗稱「斷莊」），香港大學、科技大學、嶺南大學、樹仁大學及教育大學正面臨斷莊，其他成功組成候選... 詳情
【明報專訊】中文大學學生事務處昨起一連兩日舉辦「高等教育國際化學生事務研討會」，與來自12個國家或地區、250名大學行政人員或學者等探討在高...
詳情
相關新聞
