備戰單車節 林正財每周踩200公里
[2017.10.07] 發表
【明報專訊】聽日舉行嘅旅發局年度單車節，行政會議成員、安老事務委員會主席林正財同Emily講，已報咗名參加50公里比賽。咁佢有咩準備？林正財每星期目標踩至少200公里，一有時間就會組車隊去青山公路小欖段，來回青龍頭至小欖迴旋處練習，每次踩足兩三粒鐘，如果約唔到人，就會自己踩。
佢話，遇上天氣差或者唔夠時間，都會喺屋企踩，所以一直保持到自己嘅目標，佢原來參加過職業車賽，仲拎過獎。林正財做兒科醫生多年，佢話以前讀醫及行醫，根本無時間運動，忙住實習、考試測驗同睇症，近年開始接觸單車；見佢facebook時不時上載踩單車嘅相，好天或落雨都見佢一身車手裝束(圖)出發，睇來Emily都要加把勁，做多啲運動。
更多港聞
【明報專訊】政府繼續推銷高鐵效益及一地兩檢方案。港鐵今日及明日喺石崗列車停放處舉行高鐵列車開放日，並會開放列車車廂畀公眾參觀。一地兩檢關注組...
詳情
相關新聞
