中秋接力國慶 睇綵燈舞火龍
[2017.10.02] 發表
【明報專訊】國慶加上周三中秋節，呢個星期有兩日公眾假期，而多個慶祝中秋同回歸20周年活動同時舉行，包括兩項舞火龍活動、多個中秋節嘉年華及一個青年節，市民食完飯不妨行吓。
舞火龍係百年歷史傳統中秋活動，民眾舞動長達67米、插滿長壽香嘅火龍穿梭街頭。大坑坊眾福利會今年一如以往，由聽晚至周五每晚8點15分至10點半喺大坑舞火龍。中秋當晚另有兩場舞火龍，一場喺維園，由10點45分至11點半；另一場喺薄扶林村，由黃昏6點半至晚上11點45分，火龍將由薄扶林村去到瀑布灣。
中秋綵燈會亦唔少得，分別喺中秋節當晚8點至11點喺維園、周四晚7點半至10點喺沙田公園，以及周五晚7點半至10點喺青衣公園，屆時有猜燈謎、音樂同魔術表演、小丑雜耍等。
更多港聞
相關新聞
