【明報專訊】港鐵趁香港回歸20年，將於10月1日、2日推出優惠，市民用成人八達通搭港鐵，就有小童優惠，而小童、傷殘人士、長者使用八達通，可以1元乘港鐵，優惠無限次數，港鐵預計兩日涉3000萬元，但機場快線、港鐵接駁巴士、往來羅湖落馬洲車程、東鐵線頭等就無份喇。 港鐵舉例，成人由荃灣搭到中環，可以畀小童八達通車費，即係6.7元，計埋3%車費回贈，再用埋港鐵特惠站優惠，呢程車只需4.4元。另外，若小童由上水站搭到九龍塘站，車費只需1元，計埋3%車費回贈，實際畀9毫。 雖然有得平啲搭車，但港鐵成日信號故障都好弊，港鐵主席馬時亨話，明白市民會唔開心，港鐵都唔想見到延誤，每年已花80億元維修，預料維修費仍會增加，希望市民諒解。佢仲話機械會壞，希望大家對港鐵公平，亦唔可以保證日後無延誤。 另外，香港總商會將於11月29日請全港市民免費搭全線電車、天星小輪兩條航線。
|
| |
| |
