【明報專訊】民主黨成員林子健報稱被內地人員擄走及毆打事態峰迴路轉，劇情撲朔迷離。香港警察facebook專頁近日就頻出post宣傳警方行動，除咗日前教導市民遇到罪案「盡快報警先係明智之舉」，噚日又提醒司機「切勿跟車太貼」，似乎全部都有弦外之音。有網民留言話警隊fb小編「神級抽水」、「有骨」、「勁抽過抽濕機」。 近日民主黨同唔少泛民議員都公開表態擔心林子健事件威脅一國兩制，又去信保安局長李家超要求會面跟進。不過事態就好快有新進展，警方噚日凌晨以「涉嫌誤導警務人員」罪名拘捕林子健，唔少人跌晒眼鏡。香港警方嘅facebook專頁隨即發帖文，回帶講「道路安全」，提醒市民「跟車太貼，易生意外。時刻保持兩秒距離」。短片之中其中一輛車的車牌號碼係「DP2877」，咁啱得咁巧，DP正是民主黨(Democratic Party)嘅英文縮寫。 除咗警隊小編，一眾建制派當然都唔放過機會抽水。民建聯立法會議員劉國勳噚日就喺facebook分享地區一單疑似搶劫案，不過佢話最後聽到警方消息得知，原來有人涉嫌報假案，警方已拘捕咗有關人等。佢就笑住話呢個情景「似曾相識」，又提醒「切勿報假案」、「浪費警力」。
|
| |
| |
;){kind=small}
