新副局陳帥夫 Call舊同學慢必

[2017.08.02] 發表

【明報專訊】政府噚日下晝公布首批副局長同政治助理任命，人民力量立法會議員陳志全(慢必)喺政府公布消息前幾個鐘，已經率先收到一名「未來副局長」嘅電話，打聲招呼。原來慢必同副政制及內地事務局長陳帥夫昔日係中大辯論隊嘅同學，呢位舊同學未上任已同慢必打招呼。慢必話既然政府無心重推政改，就同舊同學講要政府推動同志平權工作。

慢必同Emily講，陳帥夫只係打個招呼，未約佢食飯。慢必亦喺fb話，既然政府無心重推政改，就好應該致力改善人權狀態，「舊同學果然是當官的材料，第一句便說要有社會共識」。但慢必認為社會一早有共識改善人權，只係政府視而不見，仲反問「一地兩檢有社會共識嗎？為何政府又霸王硬上弓？」