邱騰華呼籲 「普通人」角度看高鐵

【明報專訊】政府早前公布一地兩檢方案，商務及經濟發展局長邱騰華(圖)噚日出席完動漫節活動後，亦主動出�薯P大家講一地兩檢�鵀n處。佢話，本港舊年有8000萬人次返內地，高鐵通車可以方便港人，例如佢鍾意去韶關行丹霞山，第日有高鐵可以慳好多時間，叫大家要由「普通人」角度睇呢件事。

財爺陳茂波早前就提議大家去恩平浸溫泉，原來邱局長都鍾意返內地。局長話，自己以往去丹霞山行山，要�鶷`圳北高鐵站坐高鐵，如果高鐵香港段通車，可以慳好多時間。佢又話，旅遊業界好多人都贊成一地兩檢，因可以吸引多�虃s東省旅客來港消費。

局長多次話一地兩檢有重大經濟效益，現場有記者問香港若果有地方實行內地法律，會唔會影響外資信心、減少經濟效益。佢話大家要集中關注整體利益，若從「普通人」角度看事件，會認為效益非常大。