囡囡遭網民辱罵 吳若希﹕我同你死過
【明報專訊】吳若希曾自認躁底，過往遇到被攻擊的事，都會在社交網站跟網民開火爆罵戰。日前她曝光囡囡淼淼的正面照，惹來網民惡意批評樣貌，兼辱罵她與男友Alex，她激動化身鍵盤戰士，不斷留言反擊。她不容許有人傷害囡囡，她說﹕「我真係會同你死過！」Alex亦霸氣發文維護吳若希及囡囡﹕「我老婆有幾任性，公主病，講粗口又點？我鍾意呀！我愛呀！」
「保護唔到個女 不如唔好生」
吳若希前晚先貼出她回應一名網民批評她囡囡樣貌及她未婚生女的留言，請教其他網民如何大體又不失霸氣地回應。之後她上載撰寫的文章，寫道﹕「一個普通人，可能未必明白點解我咁需要保護我個女唔想子女係(喺)公眾面前爆(曝)光。但當你係一個公眾人物，而你會無啦啦係(喺)傳媒同網上世界被人攻擊話你係雞話你釣金龜，而你明知你反抗都無補於事時，你會更加知道，如何去保護我身邊的人。我個女，呢一世都係我個女，我無得揀，我個女都無得揀，作為媽媽永遠希望俾(畀)最好的俾(畀)自己既(嘅)子女，我唔想佢係(喺)成長過程中因為媽咪既(嘅)身份而被一班鍵盤戰士攻擊。而我現在只是以一個媽媽的角色去保護我的女兒，我諗無一個媽媽會唔認同。」
之後她再指出﹕「其實我從來都係烈果(嗰)type，只係有時選擇由得佢！但係我話你知，如果有人傷害我個女~我真係會同你死過~~理得你乜嘢公眾人物~我做人阿媽連個女都保護唔到~我不如唔好生！」
Alex力撐﹕愛老婆任性公主病
男友Alex同樣於社交網站撰文反擊，還用「老婆」叫吳若希。他先維護囡囡﹕「首先，我好多謝咁多人去關心我女兒既(嘅)相貌~老人家成日講當個BB出世後要成日話佢好醜樣，唔好贊(讚)佢，咁佢第時大個一定好靚女好叻女~我好多謝咁多鍵盤戰士和網民令我個女長大後成為一個人見人愛，車見車載，美麗大方，溫柔體貼既(嘅)女仔。不過，我真係覺得我地(哋)個女好靚﹗巧打耳喎﹗就算我們的女兒大個左(咗)係點樣~她始終係我們個世界入面都係最prefect(perfect)﹗」接着他叫「所謂的黑粉」不要再侮辱他的家人﹕「就算我個女，我老婆有幾任性，公主病。講粗口又點？咁又點？我鐘(鍾)意呀！我愛呀！所以你們講咁多又點？ I Don't Care﹗我最Care係我家人。你們今天另(令)她們不開心，我會全力去保護佢地(哋)。他日你們又另(令)她們不開心，我一樣全力去保護她們。我會用盡所有方法去保護她們！所以請那些所謂黑粉，三思而後行！」不少網民都留言支持他們，說不要理會惡意攻擊。
文﹕娛樂組
「二公主」沈芝華出山客串無綫劇﹕幾十年無面對鏡頭有啲驚
【明報專訊】薛家燕、馮素波及沈芝華昨出席TVB新劇《燦爛的外母》開鏡儀式，家燕姐今次難得再拍劇，特別邀請息影多年的「二公主」沈芝華出山，3名... 詳情
