「雪糕伯伯」辭世 毗鄰中學盼永擺雪糕車紀念 校長：佢係學校靈魂人物
【明報專訊】推着雪糕車在石硤尾龍珠街擺賣逾60年、見證區內莘莘學子成長的「雪糕伯伯」黃廣，前日下午離世，享年102歲。與攤檔毗鄰的瑪利諾神父教會學校(中學部)的校長何力生說，伯伯與歷代師生關係密切，早已是學校一分子，校方已向其家人表達深切慰問。何校長表示，希望將雪糕車放入學校永久擺放，但現時要先了解擁有權誰屬。
舊生穿畢業袍婚紗找伯伯合照
與雪糕伯伯相識逾30載的何校長表示，昨日早會上向全體學生宣布雪糕伯伯逝世的消息，並為他禱告。何校長昨接受訪問時表示：「學校今年60年校慶，伯伯喺度擺檔60幾年，其實佢已經係學校嘅一分子，係學校嘅靈魂人物」。雪糕伯伯幾十年來，見證一代又一代學生成長，與不少舊生建立了深厚友誼，何校長說：「有舊生讀完大學會著畢業袍返嚟搵伯伯影相，甚至著住婚紗返嚟影相都有。」
何指出，在過往校慶晚宴，伯伯亦曾是座上客，校方擬於今年11月舉行校慶宴會，雪糕伯伯本身也是貴賓之列，惜今年未能同慶，何校長感到惋惜，屆時或會有悼念儀式。
校長曾幫手推車：好重 唔簡單
何校長最欣賞雪糕伯伯為人，「慈祥、堅毅、敬業樂業同富關懷精神，係十分值得年輕人學習」。何指出，其實數年前供應商雀巢公司為免伯伯過勞，已經停止供貨，但伯伯卻永不言休，自行到附近超市入貨，再推着沉重的雪糕車上斜路，由朝到晚在學校外擺檔，「架車我都幫手推過，好重，伯伯真係唔簡單」。何笑言「佢(伯伯)成日話自己賣嘅雪糕硬啲，因為啲乾冰夠凍」。
未知誰屬 考慮仿製
對於雪糕車何去何從，何校長希望將雪糕車放入學校永久擺放，但現時要先了解擁有權誰屬，指伯伯一年多前退休入住安老院後，「都無人掂過佢架車，一路擺喺度」，即使最終未能接管雪糕車，亦會考慮仿製一輛。
「伯伯講過 見到學生放學最開心」
對於雪糕伯伯離世，該校龔同學形容伯伯十分親切，「有次我放學(買雪糕)無帶錢，佢話下次先畀」，又指他是好榜樣，「一個老人咁有毅力，可以啟發我哋後生嘅積極做有意義嘅事」。蕭同學亦十分懷念伯伯：「佢好辛苦咁喺好遠拎部雪糕車過嚟，淨係為咗過嚟畀我哋食嘢。」林同學則表示，約大半年前最後一次見伯伯擺檔，並指伯伯好人，經常讓學生抽獎，又令同學以便宜價錢買雪糕及零食，「伯伯講過，每次見到學生放學係最開心」。
親歷沙頭角槍戰警察左墀﹕殉職同袍血流乾，抱起很輕
【明報專訊】六七暴動期間，香港社會秩序受到嚴重衝擊，負責遏止騷亂的警隊更面臨嚴峻考驗。本報訪問了兩名經歷風聲鶴唳年代的警務人員。左墀（音辭）... 詳情
