f b拍露宿者容貌被批 小麗稱有問准街友

劉小麗喺facebook講述深水埗火警影響到露宿者，片段仲見到露宿者嘅面容（圖），結果惹嚟爭議。（劉小麗facebook截圖）

【明報專訊】日前通州街天橋底大火，令到好多露宿者失去家當。立法會議員劉小麗前晚去咗現場視察，仲即場訪問受影響嘅露宿者，又呼籲市民捐出物資畀受影響嘅露宿者。不過，小麗就畀網民批評無常識，隨便上載露宿者嘅容貌。小麗強調，已經問准咗受影響街友接受訪問。

探訪受火災影響街友

小麗前晚去咗通州街探訪受火災影響嘅露宿者，即場做facebook live，向網民講解現場情况。當時小麗訪問咗兩名街友，話佢哋因為火災而急需乾糧、輪椅同日用品等，因此即場呼籲市民，如有物資，可以捐畀街友，「水、杯麵、乾糧想是不會嫌多」。

小麗提到，現場有好重嘅燒焦味，又話受影響嘅街友據說有6、7人。小麗話自己都買咗一啲乾糧，同畀咗一啲現金街友應急。

籲市民捐物資幫助

小麗喺facebook live期間，影咗兩名街友嘅面貌，隨即惹來一啲本土派同網民批評，鬧小麗隨便上載露宿者嘅樣。小麗後來就喺facebook強調，已經問准有關街友接受訪問。

更多港聞

馬逢國搵少數民族人代集郵 叫大家估身分

【明報專訊】喺北京舉行嘅全國人大及政協會議會期甚長，出席嘅港區人代都搵方法消磨時間，好似馬逢國就玩「集郵」，前日出席人大會議開幕，聽取總理工... 詳情

林鄭盼齊腳辯論 明缺席IT界論壇

【明報專訊】特首候選人林鄭月娥日前出席民主思路選舉論壇，同對手胡國興首次同場辯論。林太噚日出席活動後被傳媒問到點睇自己表現，同有乜改善地方，... 詳情

6「有證」民主派議員下月考察東江

【明報專訊】鉛水事件之後，市民更關注食水安全問題，立法會早於舊年已要求政府安排議員去廣東考察東江水嘅供水系統，但考察團一再延期，𠵱家落實喺... 詳情

英雄輝開壇教家長 培養子女抗逆

【明報專訊】香港足球代表隊門將葉鴻輝，喺球隊面對逆境波不失鬥志，上個月佢代表東方龍獅喺亞冠盃雖然以0比7輸咗畀廣州恒大，但連內地球迷睇完都話... 詳情

浸大發明「唇語密碼」 助交易驗證

【明報專訊】指紋解鎖或驗證周圍都用緊，但大家有冇諗過個嘴都可以當密碼咁用？浸大有教授就發明利用「唇語」當密碼用，仲結合咗唇部動作同密碼內容雙... 詳情