民建聯民調﹕曾適合任特首 林鄭能力較高
[2017.02.18] 發表
【明報專訊】手握逾百票嘅民建聯星期初拍板，決定推薦參選人林鄭月娥。該黨噚日就公布特首選舉民調，結果顯示認為曾俊華適合做特首嘅比率稍高，但又有較多受訪者認為林鄭較有能力做特首。
66%估計林鄭當選
問到受訪者邊個更適合做特首，結果顯示，有37%人認為曾俊華比較適合做特首，林鄭月娥就以34%排第二，7.9%認為胡國興較適合，7.8%揀葉劉淑儀，0.3%受訪者主動表示4個都適合，5.8%主動表示4個都唔適合。至於第二條有關能力方面嘅問題，就有39.9%受訪者認為林鄭較有能力做特首，比曾俊華嘅36.4%高3.5個百分點。至於邊個最有機會當選特首，受訪者就現實好多，66%人預測係林鄭月娥，估曾俊華嘅只有約19%。
對於呢個民調結果，民建聯副主席陳克勤就話，將誤差計算在內，以合適度和能力而言，林鄭月娥同曾俊華喺市民眼中表現係「不相伯仲」。
民建聯調查喺上星期二至日做，用電話訪問咗逾千名市民。民調亦有問及，下任特首應該最優先處理嘅問題，高達45.5%市民選擇土地及房屋，排第二係經濟發展，揀政制發展嘅只有9%。
更多港聞
【明報專訊】特首參選人林鄭月娥星期二情人節喺facebook上載老公林兆波寫嘅情信，信中提到原本唔贊成林鄭參選係基於「自私」，但最終私心軟化...
詳情
【明報專訊】facebook可以係今次特首選舉嘅其中一個重要戰場，民情走向變幻莫測。有本港公司都喺選戰中應用大數據分析輿情。
追蹤76...
詳情
【明報專訊】貿易發展局主席羅康瑞任期到今年5月底先至屆滿，政府噚日公布特首梁振英再度委任羅康瑞為貿發局主席，任期兩年，今年6月1日起生效。
...
詳情
相關新聞
