小冊子軟銷 視媽媽為榜樣 林鄭跌斷手 唔想嘈醒老公

林鄭月娥出身基層家庭，小冊子中提到佢媽媽嘅堅毅係佢學習嘅榜樣，圖為林太（左三）同丈夫林兆波（左四）1980年代同雙方家長去日本旅行。

林鄭月娥派發嘅小冊子入面不乏家庭照片，包括1990年代時佢同兩個仔林節思同林約希嘅合照，小冊子中講到林太總會爭取同兩個仔一齊食晚飯，仲會親自下廚。

【明報專訊】特首參選人林鄭月娥噚日召開記者會講述有關教育、稅制同置業方面嘅政綱，仲派發咗一本小冊子，sell佢軟性嘅一面，當中講述唔少林太鮮為人知嘅故事，亦有唔少相片首次曝光。

小冊子嘅第一篇文，就講述林太媽媽嘅堅毅，話林太嘅媽媽無受過教育，當年照顧一家七口起居飲食，仲要照顧中咗風嘅祖母，又要照顧體弱多病嘅外祖母同中風嘅爸爸，但佢都毫無怨言，更默默承受爸爸耐性唔太好、祖母不易相處等，林太話佢媽媽嘅堅毅係佢嘅學習榜樣。

為大仔着想 申降職赴英

至於家庭生活，除咗提到林太喺英國因為一場車禍而認識到初戀情人、即係佢老公林兆波，仲透露當年林兆波原本可以去外國大學教書，但因為同林太嘅感情而選擇回港。小冊子訪問咗一個林太成日幫襯嘅食品公司老闆娘，講述以前林太鍾意星期日去買嘢，最記得有次林太跌斷手，佢叫救護車陪同送院，林太好鎮定話唔使嘈醒佢老公，因為丈夫熬夜工作未起身。老闆娘話呢件事睇到林太好獨立同照顧人。

林太大仔林節思亦寫咗篇文，當中透露當年媽媽主動降職去英國做經貿辦主任嘅原因，原來當時林太已經係高官，間中都會見報，讀中學嘅林節思，就被同學以此攻擊同笑佢。林節思話當時年少氣盛，會同同學鬧交，唔單止無心學習，仲會將情緒帶返屋企，阿媽擔心佢嘅情緒，就作出呢個重大決定，帶佢一家人去英國讀書及生活。

更多港聞

情人節前夕放閃 曾太爆丈夫自製情書

【明報專訊】今日情人節，特首參選人曾俊華噚日喺facebook專頁上載太太黃蓮華拍片支持佢嘅片段，曾太笑言唔覺得丈夫浪漫，老公亦未曾講過「嗰... 詳情

運程書被投訴歧視精神病患 李丞責：無針對任何人

【明報專訊】香港病人政策連線去信平機會，投訴堪輿學家李丞責雞年運程書中一句「易有精神病患者做出異常行為，傷人無數」，歧視精神病患者，要求平機... 詳情

員工收利市要上繳？ 酒樓業話間間唔同

【明報專訊】新年𢭃利市好開心，但有部分酒樓員工𢭃咗利市係無得落自己袋，要上繳公司。近日網上流傳一張相，話有間酒樓發通告要求員工將初十及打... 詳情

海洋公園夜場 168元歎手工啤

【明報專訊】海洋公園今年40周年，於下月17日起挑選咗19日，推出「夜間美酒佳餚盛薈」夜場門票，遊客以最少168元喺特定日子於下午5時後入場... 詳情

莫乃光遞聯署 反對的士內裝cam

【明報專訊】曾經遭的士多番拒載、受過司機氣嘅資訊科技界議員莫乃光，對的士服務好上心，佢噚日去咗個人資料私隱專員公署，遞交近500市民聯署，話... 詳情