評4特首人選 波哥話葉劉「同我最接近」

保險界議員陳健波上載短片點評4名潛在特首人選，其中對葉劉淑儀，佢就話「同我最接近」，所指嘅係葉太嘅議員辦公室就喺佢辦公室隔籬。（陳健波facebook片段撮圖）

【明報專訊】立法會噚日續會辯論有關下屆特首期望嘅議案，保險界議員陳健波(波哥)趁機喺facebook上載短片，講吓自己點睇4個潛在特首人選。波哥讚兩名司長林鄭月娥同曾俊華，又話已宣布參選嘅新民黨主席葉劉淑儀「同我最接近」。嘩，邊方面近呢？波哥話佢講緊嘅係地理位置咋，事關葉太嘅議員辦公室就喺佢隔籬房，而對方亦係唯一一個經歷直選洗禮嘅人選。

梁君彥提醒長毛勿「拉票」

退休法官胡國興同葉太早前率先宣布角逐下屆特首，財政司長曾俊華及政務司長林鄭月娥亦已先後請辭。波哥噚日點評4人時就話，林太做嘢「親力親為、執行力強、勇於承擔」，財爺就「民望高、熟悉金融政策」，而胡官就「肯聽意見，重視同熟悉法治」。

不過，波哥話無論邊個做下屆特首，都要首先處理房屋問題，包括將公屋比例由現時嘅47%增至60%，第二就要諗辦法令香港人開心啲，佢仲叫網民留言講吓對特首有咩期望。

至於由工聯會郭偉強提出對「下任行政長官期望」嘅無約束力議案，要求下屆特首要維護國家主權、落實「一國兩制」、推動政改同經濟發展，議案經分組點票下被否決。考慮參選嘅社民連梁國雄都有發言，但立法會主席梁君彥就提醒佢，發言內容唔可以畀人覺得佢利用今次場合「拉票」。

更多港聞

林鄭記招見飛龍

【明報專訊】政務司長林鄭月娥噚日喺政府總部西翼大堂會見傳媒，宣布辭職嘅決定，林太見記者時，背景有「飛龍」香港品牌標誌嘅易拉架。上個月曾俊華喺... 詳情

謠傳新春0℃ 天文台即澄清

【明報專訊】近日網上流傳農曆新年前後將會出現極低溫天氣，又「引述」天文台預計今年可能係「香港史上最冷的春節」，信息仲附有天氣預報，顯示月底連... 詳情

即食麵自己整 「出前一丁工作坊」爆場到4月

【明報專訊】機場管理局噚日帶傳媒參觀上年尾新開、位於機場2號客運大樓嘅日清展覽館，館內有全球首個「出前一丁工作坊」，參觀者畀50蚊，就有專人... 詳情

學生受訓落區檢查 視光師跟進 理大驗眼車服務弱勢

【明報專訊】理工大學眼科視光學院學生年前起義務為社區人士作初步眼睛測試，但部分被發現有視力問題的弱勢人士，因經濟等原因未能到理大診所進一步檢... 詳情

錢大康﹕排拒異見成風 師生難溝通

【明報專訊】浸會大學校長錢大康接受《灼見名家》訪問時指出，近年社會變得「若你不同意我的講法，你就不應該存在，你存在我就忽略你」，大學與學生溝... 詳情