【明報專訊】建制派由上屆議會開始都以WhatsApp群組加強溝通，無論係討論議會策略定風花雪月，呢個群組都起到唔少作用。立法會換屆後，建制派議員換上唔少新面孔，但早前民建聯葉國謙、譚耀宗等一直留喺WhatsApp群組內，被指「垂簾聽政」等，結果惹來部分建制派私下不滿，最終建制派「班長」廖長江上周五就開咗新群組，成員只得40個現任議員。 Emily聽聞，新嘅建制派群組個名好正式，寫明係「第六屆」建制派議員，據知廖長江開咗群組後，立即有人問係咪只得「現任」議員？廖長江就話係，話未來都會用呢個新群組溝通。 而過去幾日，舊群組亦無乜聲氣，大家都轉用咗新群組，變相令葉國謙等舊人無得再咁直接參與同討論建制派嘅事喇。
|
| |
| |
