自製太陽能手提燈 點亮窮戶

參加「點亮生命」活動嘅小朋友最後一齊舉起佢哋嘅製成品，現場熄晒燈之後，啲太陽能燈都真係幾光㗎！

【明報專訊】「喺有光嘅時候佢會着，如果冇光，係絕對唔會着」，周星馳電影曾經出現「太陽能電筒」令觀眾大笑，但現實中太陽能燈就絕對唔係笑話！噚日深水埗英華書院舉行「點亮生命」活動，吸引咗60個家庭共200人參加，一家大細製作太陽能手提燈，製成品可以成為負擔唔起電費嘅窮戶恩物，將會送畀香港或海外有需要家庭。

話說菲律賓貧民窟好多居民無電可用，所以興起用膠水樽加漂白水，由屋頂貫穿天花板，以陽光折射，令到日間都幽暗嘅室內有開燈效果，呢個發明叫做「一公升的光」。今次活動製作嘅太陽能燈就係升級版，由太陽能板儲電加上LED燈膽，利用天然能源為窮人帶來光明，儲好電之後，無光嘅地方都會着㗎。

合辦機構之一「加油香港基金」嘅創辦人兼行政總裁周佩波話，希望呢盞太陽能燈將簡單科學理論實踐到日常生活。劉太一家三口參加活動，佢話囝囝Linus對科學有興趣，希望今次活動令佢知道幸福唔係必然。Linus做完燈之後話覺得自己好幸福，因為「屋企有燈，可以行一步路見一步路」。

更多港聞

蝸居攝影展 董伯伯主持揭幕 棺材屋展覽教育下一代

【明報專訊】為令市民了解香港住屋問題，香港社區組織協會噚日喺銅鑼灣搞咗個「棺材屋」展覽，喺路中心放咗個雙層衣櫃，上層照擺衫，下層就變成一個有... 詳情

填色學災難 小學生話要三心兩意

【明報專訊】香港較少天災，市民一旦遇災未必識得應變。為培養學生對災難嘅警覺性，香港醫學專科學院轄下災難防護應變教研中心舉辦多媒體創作比賽，小... 詳情

一個講太空 一個講希望 CY財爺寫blog談期望

【明報專訊】特首梁振英（CY）及財政司長曾俊華噚日齊齊做鍵盤戰士，大談對香港嘅期望。財爺喺網誌借慈善組織「醫藝盟」幫人為名，話「我們一樣可以... 詳情

教局否認中史高舉盛世 稱教朝代特徵 免重複教學

【明報專訊】初中中國歷史科修訂引起爭議，如被質疑強調盛世、省略人民起義等，教育局昨撰文指出，指引建議學習每個朝代的主要特徵，興盛必然會以上一... 詳情

英柏朗思觀瀾湖合作辦學

【明報專訊】深圳的觀瀾湖國際學校（MHIS）宣布與英國柏朗思學校（Bromsgrove School）合作，引入柏朗的英式教育，並易名為柏朗... 詳情