【明報專訊】做義教老師可以啟發人生，今次機會嚟喇。民政事務局第七期推出香港青年服務團計劃，招募青年去廣東省韶關市、梅州市為小學生、初中學生義教，包括英語、體育、音樂、美術和電腦等科目，服務由今年9月開始，參加者可選擇服務成個學年或者一個學期。 每月3200人幣津貼 民政局會安排駐校住宿及提供資助，包括每月3200元人民幣生活津貼，以及購買第三者責任保險、個人一般醫療及旅遊保險的費用等，完成計劃後若表現良好，可獲頒發證書同5000港元獎金。參加者要介乎18至29歲，要識講普通話、讀寫簡體字，需於本月29日前報名，再安排面試。呢個計劃好似幾有挑戰性，可惜之前都面對招募困難，唔係太多人願意付出一個學期返內地。 參加過計劃嘅團員陳健聰，去過梅州城東鎮中心小學義教，其間一個曾經好頑劣嘅小朋友，經教導後做錯事會同佢道歉，而當地老師都願意同佢交心，令佢好感動。
|
| |
| |
