「虛擬空間裏真爽」 誠哥小病迷上唐僧書法

李嘉誠（黑帽者）噚日出席汕頭大學畢業禮時，與20名即將於明年2月從汕頭划艇到香港嘅汕大學生合照。（李嘉誠基金提供）

李嘉誠噚日到汕頭大學出席畢業禮，仲同廣東省長朱小丹（右）討論廣東以色列理工學院嘅最新籌建情况，同展開人工智能合作等事宜。（李嘉誠基金會提供）

【明報專訊】長和系主席李嘉誠早前因為腸胃炎唔舒服，缺席長和股東會休養吓。佢噚日朝早出席汕頭大學畢業典禮時，話之前自己小病時迷上咗喺虛擬世界中抄經，「迷上了懷素(唐朝僧人、書法家)的狂草」，仲話喺虛擬空間內「真爽」，隨後又感性地話，感謝親友對佢嘅關愛。

「作為企業家 盡了所能服務社會」

誠哥噚日朝早出席汕大畢業禮時，發表題為《未來就在眼前》嘅演講辭。佢提到前排因「小病」喺屋企休息期間，迷上咗喺虛擬世界中抄經。佢話：「虛擬空間裏真爽，筆鋒意連，生生不息」，字裏行間好有詩意。話鋒一轉，超人感性起嚟，感謝現實世界嘅親友對佢嘅關愛，佢話自己係快樂嘅人，「因為我作為一個人、一個企業家，我盡了一切所能服務社會」。

稱無成功錦囊 3「心法」贈汕大生

誠哥同畢業生講，世界困擾重重，周圍都係不公平、不公正、不安，令人畏懼，超人自稱無成功錦囊，但就畀咗3個「心法」畢業生，希望有助佢哋面對挑戰，分別係謙遜嘅學習態度、有協變力以及抱悲天憫人嘅心態。

佢提醒畢業學生，點樣將恐懼轉化為推動力，要成為未來嘅想像者，同埋困難嘅解決者，去承擔各種不可能嘅挑戰同任務，唔好輸畀風雨，都係同學們必需思考嘅問題。

誠哥仲話，濫竽充數已經無市場，直指無解決方案嘅雄偉願景係「有毒組合」，佢認為貽誤資源、時間未算最可怕，誠哥最驚嘅係主觀、因循嘅「心向」。

更多港聞

善長贊助龍躉大蝦 賀明哥飯店開張

【明報專訊】由深水埗「明哥」（圓圖）陳灼明經營嘅北河燒臘飯店嘅「副店」，年初因被業主加租差啲結業，好彩得到對面手袋舖業主廉價租出舖位。事隔3... 詳情

「鋁板警察」再出更 大嶼行孖咇

【明報專訊】2012年「鋁板警察」喺新界北監察交通兩個月後，今日開始，又會見到佢哋企喺北大嶼山公路同機場路出更，會喺兩條公路做緊工程嘅地盤外... 詳情

讚3件大事 葉劉：中共了不起

【明報專訊】盛傳有意參選下屆特首嘅新民黨主席葉劉淑儀，早前接受《紫荊》雜誌專訪，對中共讚口不絕，話自己雖然唔係黨員，但「從內心感到中國共產黨... 詳情

新委海濱事務委員 兩人罕有連任

【明報專訊】政府噚日公布特首委任5人做海濱事務委員會成員，佢哋分別係蒲祿祺、吳永順、陳遠秀、羅揚傑同顏汶羽，而蒲祿祺同吳永順早於2010年開... 詳情