傳媒問台山核安全 中廣核董事長樓梯速逃

【明報專訊】中廣核旗下嘅台山核電廠工程如火如荼，預計2017年投產，但同類型反應堆壓力容器頂蓋同底部，去年喺法國原產地驗出品質唔達標，安全受關注。中廣核噚日舉行股東會，大批傳媒希望向高層求證，結果失望而回，大會完結後中廣核董事長張善明匆匆離開，傳媒由酒店大堂低座一邊跑樓梯追到上一層，一邊同保安角力，追到𨋢外面畀保安攔住，董事長先回應一句「謝謝、thank you」。

台山核電廠施工進度如何、係咪有安全風險仍係一個謎，但有小股東同Emily講，大會上有個別小股東做咗功課，問台山核電廠係咪有安全問題，台上一眾高層都無正面回應。又有小股東專登向Emily展示中廣核派發嘅紀念品，係一盒工具包括多支螺絲批、鉗同六角螺絲批，話核電廠派維修工具，都算正常。

更多港聞

議員宣傳品開支發還 有望涵蓋全部節日

【明報專訊】𠵱家立法會議員每年可獲發還約232萬上限嘅辦事處營運開支，當中一啲可獲發還開支嘅項目有特別規定，例如過去只有農曆新年有關嘅宣傳... 詳情

全球最大琉璃千手觀音 香港有得睇

【明報專訊】有2米咁高、全球最大嘅琉璃千手千眼觀音（圖）噚日首度喺香港亮相，吸引唔少市民參觀。呢尊名為《千手千眼千悲智》嘅觀音像，係金馬獎影... 詳情