傳媒代表議員馬逢國斥記者立會走廊食飯

【明報專訊】立法會嘅功能組別議員通常都會為業界利益發聲，不過作為傳媒行業代表嘅「體育、演藝、文化及出版界」議員馬逢國，似乎就唔多滿意記者喺立法會嘅表現。事緣噚日立法會行政管理委員會開閉門會議，討論未來將有更多傳媒記者到立法會採訪，馬逢國就乘機表達對記者嘅不滿，特別係記者喺立法會走廊食飯一事。

「搞到大牌檔咁 好大陣味」

有與會者透露，馬逢國原本喺會上表達對會議廳門前畀傳媒擺錄音器材嘅「咪兜」位置不滿，佢形容咪兜變成議員表演舞台，令議員互相攻擊，最近仲「上演武俠片」，加上佢自己喺會議廳內坐後排，批評議員喺咪兜講嘢，亦對佢造成一定滋擾。馬逢國繼而批評，有啲記者唔恰當使用立法會，包括有記者喺立法會走廊嘅長枱食飯，批評記者搞到議會好似「大牌檔」咁，又有好大陣味，形容「成何體統」。

據知，民建聯黃定光都話，會議廳太多記者亦令議員出入唔方便，有時又會畀器材電線𠽤親，又有記者喺另一層會議廳外伸長對腳瞓覺。

葉國謙﹕唔可以咁講

Emily聽聞，會上其他議員未有附和，民建聯葉國謙亦為記者講公道話，認為「唔可以咁講」，又覺得議員提出嘅意見亦好難處理。有議員聞言後查問馬逢國究竟係咪代表傳媒記者嘅議員。有議員認為馬逢國咁講，不如投訴埋平日有請記者食蛋糕同水果嘅建制派議員。最終會上對兩名議員嘅意見不了了之。Emily向馬逢國查詢，至截稿前未有回應。

更多港聞

獲薦選港島 許智峯同莊榮輝食「和頭早餐」

【明報專訊】民主黨中西區區議員許智峯早前獲黨內推薦參加立法會港島區直選，不過在黨內初選時，就有指港島支部唔少成員都支持反圍標大聯盟發言人莊榮... 詳情

自創軟件程式 「叮叮」加密班次

【明報專訊】上年前政府規劃師薛國強聲稱「行路快過搭電車」，嫌電車唔夠效率，向城規會申請取消中環至金鐘電車路軌，引起唔少鍾意搭電車嘅市民反對，... 詳情

曾鈺成﹕立會採訪證唔再分網媒紙媒

【明報專訊】立法會主席曾鈺成噚日宣布，由下屆立法會開始，立法會發出嘅傳媒採訪證唔再分網媒、紙媒或電子傳媒，任何合法註冊、主要從事新聞行業，以... 詳情

網頁收費資料被指過時 通訊辦﹕唔好用嚟格價

【明報專訊】消委會噚日公布家居寬頻格價，當中提到通訊辦網頁列出嘅收費資料outdate，搞到消費者唔知點比較，好似有營辦商提供嘅資料仍然停留... 詳情

高中書院推學分制 不分班級無班主任

【明報專訊】公理高中書院今年9月起將推行單元學分制，模仿大學學分制，根據難易程度將課程分為數個單元，並為每個學生評估，按照其能力選擇修讀單元... 詳情