專訪標題批何「擦鞋」 何君堯：譚允芝向我道歉

專訪標題批何「擦鞋」何君堯：譚允芝向我道歉

[2016.04.29] 發表

【明報專訊】《蘋果日報》之前刊登咗一篇大律師公會主席譚允芝嘅專訪，標題係〈譚允芝：擦鞋留番俾何君堯〉。文章裏面，譚允芝提到北京都會需要有人講公道嘅說話，提到「擦鞋多的是，你看何君堯，由他去擦啦」。捲入法院selfie風波嘅律師會前會長何君堯，上星期就喺facebook以〈譚允芝說：對不起〉為題發文，話自己打電話畀譚允芝，向佢查證報道嘅真確性。何君堯仲話譚允芝即刻同佢道歉，話自己見到個標題都覺得驚訝，但係唔記得有無講過咁嘅嘢。Emily搵過譚允芝，佢冇回應，所以都唔知係唔係何君堯一面之詞。

譚允芝未回應

何君堯喺facebook又引述譚允芝嘅話話：「我從沒有印象你曾說過或發表過任何你自己也不相信的言論。其實，在我印象中，你從沒有不忠於自己的立場，否則，你說話時不會有那份熱誠和堅定的信念。」何君堯仲話，譚允芝講佢哋兩個都有個共通點，就係大家都係性情中人，譚允芝仲邀請佢一齊食飯𠻹。何君堯話報道扭曲咗譚允芝嘅感受同想法，對佢哋兩個造成損害，會一齊「商議下一步應該採取什麼行動去以正視聽」。