謝偉俊橫額掀「作反疑雲」 拒透露「香港須改 特首要變」「玄機」
[2016.04.15] 發表
【明報專訊】有讀者向Emily報料，指曾被人形容「西環契仔」的立法會議員謝偉俊，竟然喺九龍東一帶掛出「離經叛道」嘅橫額，上面寫住「香港須改 特首要變」8個大字，唔通阿Paul作反？想中央換咗特首梁振英？
Emily問阿Paul，佢係咪支持明年特首選舉要換人，唔好畀梁振英連任？佢只係笑笑口叫Emily自己想像，唔係好肯再解釋8個大字講乜。有心水清嘅人分析話，「特首要變」呢4個字可以好多演繹，除咗話換人，亦可以話特首做事作風、行事方式要變，可能Paul想試吓水溫，掛吓呢啲橫額睇吓街坊反應先。
幫網媒主持法律節目
唔講橫額，不如講下Paul最新動向，原來星期二佢去咗幫網媒謎米香港做主持，節目叫《法乎情》，都係用佢嘅法律知識分享下對唔同case嘅睇法，謎米老闆係蕭若元，最近老蕭宣布退休，加上部分主持離開，所以謎米都有搵吓人幫手，Paul話都係第一次做節目時，見到有啲網民有鬧謎米點解搵建制派做主持，但阿Paul唔介意，乘機可以接觸網民都未嘗唔係好事。
更多港聞
【明報專訊】民政事務局常任秘書長馮程淑儀被揭發2013年同賭王何鴻燊三太陳婉珍嘅胞妹陳婉玉進行罕見換樓交易，原本一直返工處理公務仲出席過立法...
詳情
港澳研究會季霆剛：倘黃之鋒等海外籌款 即告眾志詐騙
【明報專訊】由黃之鋒等人成立嘅政黨「香港眾志」早前不斷甩轆，甚至湧現相關「假網站」，提倡公投自決又被建制派批評可能違反法例，可以話面對左右夾... 詳情
反駁教聯會「天文台作風官僚」論 林超英：不如每朝公投應否上班上課
【明報專訊】前日一道低壓槽為香港帶來大雨同雷暴，部分地區每小時降雨量超過50毫米，仲有唔少地方水浸，當時正值返工返學繁忙時間，唔少人紛紛質疑... 詳情
【明報專訊】東江水呢個議題一直都受到政界關注，早排發展事務委員會就提出希望去東江流域考察，了解廣東省保護東江水水質嘅措施，不過𠵱家已經到本...
詳情
相關新聞
