酒店女更衣室餵母乳 官恩娜被中年婦侮辱
【明報專訊】新手媽咪官恩娜(Ella)於去年10月為外籍醫生老公誕下囝囝bébé G後實行母乳餵哺，不過做餵母乳原來一點也不容易，她日前就因為帶5個多月大的囝囝出街，在一間五星級酒店因找不到哺乳室，於是徵得更衣室職員同意，在更衣室坐在一邊哺乳；即使是公眾人物都放下尷尬，但卻遭一名中年女人不滿而大吵大鬧，向酒店其他部門投訴。因為要保護BB，所以當時Ella未有爭辯，事後只能在社交平台訴苦受辱經過，慨嘆哺乳之路不容易，呼籲增設哺乳室方便「餵人奶媽媽」。
36歲的官恩娜自去年10月誕下囝囝便專心照顧，她非常支持母乳餵哺，但不時會在社交網站分享這條路行得不容易。昨日她在網上留言，訴苦哺乳遭歧視，想不到盡母親責任都被人侮辱。
故意在BB頭殼頂大鬧
官恩娜細訴情况﹕「嗰日喺香港某五星級酒店嘅女更衣室(因為喺我所在嘅兩層樓都搵唔到育嬰室，亦有問准更衣室職員)餵母乳，比(畀)一個中年女人侮辱！其實我已經故意坐埋一邊唔好阻住人……佢走過嚟故意喺bébé G嘅頭殼頂上面同我塊面側邊大聲敲打電話同大聲鬧有人喺度餵人奶！再超級大聲喺bébé G頭殼頂打電話俾酒店各部門投訴，問人哋知唔知女更衣室發生緊乜嘢事！bébé G 都俾佢嚇到喊咗出嚟，我都俾佢嚇到呆咗比(畀)唔到反應。點解喺呢個年代都仲有人對餵哺母乳存咁大嘅偏見？寶寶飲媽媽嘅母乳係最天然不過嘅事！我覺得無論如何都唔應該咁樣對一個五個月嘅嬰兒！事後我個心好唔舒服。」官恩娜還標籤「餵母乳無罪」這句話，顯然心靈受到傷害。
擔心兒子受驚不敢正面理論
記者及後聯絡到官恩娜，再向其了解情况。官恩娜說﹕「因為當時對方好似好緊張，而且自己都同BB一齊，對方大聲說話更走得好近我和BB，所以自己都有點嚇呆，不知所措，最驚對方嚇親BB，所以沒有和她正面理論。對方打完電話之後就走了，不久就有酒店職員入來更衣室，跟我說唔好意思。」
呼籲酒店商場增設哺乳室
官恩娜坦言從未想過到現在仍有人對餵人奶有徧見，她希望為所有餵人奶的媽媽爭取，呼籲香港的酒店或商場都應增設哺乳室，讓媽咪有地方餵人奶，因為有些育嬰室根本沒有此設備，要媽咪抱住20磅的BB一邊餵人奶一邊站着是一件好困難的事。
網民力撐﹕母乳係人類最偉大食物
香港是文明社會卻遭到不文明對待，有不少網民留言支持官恩娜，瞬間已得接近2萬個Like及留言鼓勵，寫道﹕「無謂理會咁嘅人……母乳係人類最偉大嘅食物！畀自己嘅小朋友最大嘅愛！」「真喺好過分，就算無育嬰室，酒店都有義務有一些房間給予家長餵母乳。」「支持你，支持所有breast feed 嘅媽咪！加油！」「飲母乳係人類天性，反而被一堆傻子當成異類，世界真係好反常囉！」
文﹕娛樂組
大姐大手記﹕柏木由紀平胸變D Cup 深田恭子包包進化尖臉 日本女星變變變
【明報專訊】在韓國，整容可以說是家常便飯，不少韓星也毋懼談論此話題；但在日本則較罕見，就算日本明星有整過容，也不會無忌憚地說出來，若有日本女... 詳情
