梁天琦不排除立選狙擊白鴿黨 林卓廷fb挑機：包唔包擲磚？
[2016.03.04] 發表
【明報專訊】本土民主前線梁天琦近期人氣都幾高，而本土派同民主黨一向道不同，前者聲稱自己係「勇武」，而後者堅持「和理非」，而民主黨總幹事林卓廷就唔知驚，噚日喺facebook挑機。事緣梁天琦日前接受傳媒訪問，話「好唔like民主黨」，又話唔排除喺9月立會選舉時狙擊民主黨。阿廷就好大膽，上載呢篇報道，然後留言話，「唔知狙擊有無底線嘅呢？包唔包擲磚？我使唔使跟國師學自製盾牌呢？」
「我使唔使跟國師學製盾牌？」
Emily就知道，有一啲民主黨人，好唔滿意梁天琦喺訪問中話民主黨人喺佔領運動時，喺最後一刻先出現「打卡」，但其實佔領運動期間，民主黨唔少人一直喺現場做義工，又有議員留守直至被拘捕。
不過，阿廷今次咁「勇武」向本土派挑戰，當然無好下場，唔少網民反諷阿廷，如「要狙擊都未到你啦！你邊位呀？你立法會都入唔到啦，唔好睇得自己咁高」。
更多港聞
探一次無回頭 更添難受 露宿者：學生探訪為交功課？
【明報專訊】社會對露宿者關注增加，不少學校帶學生探訪聚居於深水埗玉器市場橋底的露宿者，望培養學生同理心和服務精神。但社區組織協會幹事吳衛東指... 詳情
相關新聞
