【明報專訊】涉案3名協和小學教師半年前遭廉署落案檢控後，便被協和停職。3人昨獲裁判官洗脫罪名後不禁落淚，但何時能復職則仍待協和安排。 認為遭校內教師針對 自稱正在申請副校長職位的次被告曾詠珊，在庭外憤憤不平斥責遭校內教師針對，「學生係最陰功嘅，老師你有咩唔啱你唔好搞學生囉」，但強調「我一定會堂而皇之返番去協和(任教)」。她認為若真的提問該些試題是「侮辱」了面試的教師及學生，又指「我係唔會跟住嗰啲嘢來問囉……咁低能嘅嘢問來做咩呢？」 在協和任職主任的曾詠珊昨認為裁決合理，稱「我都無做過(不誠實的行為)，由頭到尾都係學校啲不知所謂嘅老師啫」。她認為自己遭針對，「呢啲嘢校方要自己處理返，但我一定會堂而皇之返番去協和！」她又強調，從來不認為涉事的「試題」為試題，「我係唔會跟住嗰啲嘢來問囉，What is your name？(你叫什麼名字？) 咁低能嘅嘢問來做咩呢？即係等於今日天氣好嗎？你係唔係人呀咁呀？ 問來做乜呢啲嘢？Nonsense(無理)㗎囉！我覺得你即係侮辱啲學生，你根本唔會咁樣問嘢。問一個學生你根本係睇返佢受唔受教，睇下佢自己嘅表現、反映，同學校合唔合作等等嘅嘢。」 What is your name「問來做乜」 首被告鄭嘉儀稱，相信協和會安排復課等事宜。第三被告黃佩雯則表示︰「我無做過嗰啲所謂不誠實嘅嘢，所以唔擔心。」其代表大律師指黃「最掛住學生」。
|
| |
| |
