謝偉銓今嫁女 立會派餅
[2016.01.16] 發表
【明報專訊】立法會建築、測量及都市規劃界功能界別議員謝偉銓(Tony)今日將榮升外父，佢嘅千金會同任職金融界男友結束愛情長跑，拉埋天窗。咁開心嘅喜事，當然要同大家分享。Tony噚日帶咗幾盒喜餅，特別派畀喺立法會嘅記者，又透露婚禮酒會邀請咗過百政商界朋友參加，包括認識多年、曾經係同行測量師嘅特首梁振英。
Tony話，除咗特首，都邀請咗各司局長，可惜財爺因為要上京，要臨時「甩底」。「六人組」幾個立法會內功能組別嘅好兄弟今日都會到場祝賀，相信場面都會幾熱鬧。對於即將榮升外父感覺如何？Tony話，「心情都幾複雜」，皆因自己得一個寶貝女，可謂掌上明珠，梗係唔捨得啦！
更多港聞
相關新聞
