Jessie陪伴港人成長 海洋公園44歲海豚逝世

海洋公園內最年長嘅印度太平洋樽鼻海豚Jessie，前晚10點半因為嚴重腎功能衰竭同腹膜炎逝世，終年44歲。Jessie曾參與海洋劇場活動，相信唔少港人都見證過佢活潑好動嘅一面。

【明報專訊】海洋公園噚日公布壞消息，園內最年長、陪伴無數港人成長嘅印度太平洋樽鼻海豚Jessie，前晚10點半安詳逝世，終年44歲。佢喺公園住咗38年，一直照顧佢嘅護理員都好難過。園方話據初步臨牀同解剖結果，Jessie死因係嚴重腎功能衰竭同腹膜炎，但仲要詳細化驗先知道結果。

腎衰竭及腹膜炎

Jessie上星期六開始食慾下降，到前日朝早仍未有好轉，驗血後發現佢患上嚴重突發性腎衰竭，情况危殆，獸醫即搶救，但情况持續惡化。研究顯示，野外嘅印度太平洋樽鼻海豚最長命有37歲，而Jessie終年44歲，算係長壽。

海洋公園上下都對Jessie逝世感到難過，睇番資料，Jessie喺1978年1月由台灣澎湖列島來港，當時佢大約5、6歲，佢加入海洋公園後曾經參與海洋劇場活動，並對科研工作貢獻良多，佢個女Maya今年都年滿15歲喇。

1978年來港 曾參與海洋劇場

海洋公園動物及教育部執行總監蔣素珊話，Jessie係一條充滿力量同活力嘅海豚，喺同伴中擔當重要領導角色，多年來佢貪玩活潑嘅性格獲得園內嘅人愛戴。海洋公園今日起設悼念板，等大家可以向Jessie作最後致意。另外，海洋公園一條7歲娃娃魚亦喺前日離世，死因有待確認。

更多港聞

民主黨公民黨組團睇台選戰 議員請假唔開會

【明報專訊】四年一次嘅台灣總統選舉今個星期六（16日）舉行，雖然外界覺得今次選舉無乜火花，但對絕大部分無得投票選特首嘅港人嚟講，台灣大選仍有... 詳情

勞工界郭偉強 拒評張建宗

【明報專訊】立法會勞工界議員郭偉強噚日約咗Emily同一班行家茶敘，佢已做咗人力事務委員會主席幾個月。社會對於標準工時、取消強積金對冲機制、... 詳情

副校情迷蘭花 中學推生物科技種花

【明報專訊】教育界真係卧虎藏龍，好似鑽研蘭花學問逾20年嘅香港蘭藝會會長朱劍虹（圖），就係長洲佛教慧因法師紀念中學嘅副校長。朱sir仲將種蘭... 詳情

冀聆聽年輕人 拉近兩代距離 梁美芬嫌游蕙禎唔夠後生

【明報專訊】梁美芬（Priscilla）上年區選喺黃埔東迎戰年僅24歲嘅青年新政游蕙禎，喺對方強勁嘅網絡宣傳攻勢之下，最終力保不失守住議席。... 詳情

街工梁耀忠考慮選超區

【明報專訊】立法會5個超級區議會議席寸土必爭，泛民同建制派都想喺9月嘅選舉攞到3席，噚日有傳媒報道街工「雙料議員」梁耀忠（圖）有意改循超區出... 詳情