藝術家油街辦展覽 「白做園」喻無聊事

展覽場內放置多個藝術家嘅作品，包括楊嘉輝（左起）、「L十」嘅阿朗及Wendy、宋冬及董永康，佢哋坐住嘅地方就係藝術品「白做園」，後面寫住「不做白不做 做了也白做 白做也得做」。（楊柏賢攝）

【明報專訊】康文署轄下北角「油街實現」由11月27號起至明年3月28日舉辦咗「前後」展覽計劃。「前後」展出4個藝術單位嘅作品，包括「L十」、董永康、楊嘉輝、宋冬，來自北京嘅藝術家宋冬就好歡迎大家入去佢嘅作品「白做園」。

「白做園」由一條大石壆圍成，園後有一塊牌寫住「不做白不做 做了也白做 白做也得做」。宋冬話呢句句子同人生相似，因為人生中有太多無聊但又要繼續做嘅事，要度過唔同嘅過程，但又冇意義。佢希望大家可以喺園內做自己想做但合法嘅事，令事情變得「有聊」。

除「白做園」外，董永康展出裝置藝術「切身」，透過不同裝置，希望市民主動搵作品特別嘅地方。楊嘉輝嘅藝術品就蘊含咗濃厚嘅歷史背景，滿場地沙引人注意，霓虹光管嘅字更令場地別有一番意境。「L十」希望喺信任與責任之間劃出最大嘅空間，讓參加者能在場館內自由參與。

更多港聞

婚宴攝影師吃炒飯呻慘

【明報專訊】大家有無聽過乜嘢係crew meal呢？婚宴本來係開心事，但係Emily喺網上見到有婚宴攝影師，就因為擺設婚宴酒店所提供嘅膳食而... 詳情