【明報專訊】叱�爧s播界的俞琤，被商台員工視為「神」，甚至有時以手指向天，以代表俞琤是商台的真正話事人和精神領袖。在過去30多年，俞琤提拔一代又一代電台主持，由1970年代的鄭丹瑞、80年代的軟硬天師，以至90年代的「芝see茹bi」(卓韻芝)，無不受其恩惠。

提拔鄭丹瑞軟硬天師芝see茹bi

商台前營運總裁鄭丹瑞表示，他於1978年、仍在浸會大學傳理系就讀時，把作品寄到商台，獲俞琤注意，即獲邀到商台「開咪」，其後他離開商台，至1987年尾俞琤準備任商台總經理，又邀他「埋班」任節目總監。他說，俞不理會背景，「只要覺得你得，佢唔理你�鰜}有年資都會用」，又指對方用人唯才，「睇人睇得準」。

至80年代後期，葛民輝與林海峰加入商台，鄭丹瑞稱，二人就是由俞琤安排組成「軟硬天師」。

90年代，俞琤仍未停揀蟀。卓韻芝在1996年以17歲之齡全職加入商台，起初主持深宵節目，後獲俞琤栽培，並製作廣播劇《芝See菇Bi Family》等作品，聲名大噪。

「自覺可加人工入房講 說服到就會畀」

1994年加入商台的森美憶述，俞琤曾揚言「只要覺得自己有能力加人工，就入房同我講，說服到我就會畀」。他憶述，首次獲加薪雖不是自己「爭取回來」，但仍是俞的主意，「加幅幅度大到之後唔使再加都得」。他認為，俞可以迅速看見員工的長處，知人善用，亦提拔後輩，「唔會話叫你幫我洗10年地先慢慢重用你，佢覺得你OK，就會好快畀機會你」。