議員獻肉臂 高永文打流感針「好手勢」

食衛局長高永文（前右）噚日幫立法會議員打流感針，其中陳偉業（左）七情上面，但佢話其實一啲都唔痛。（劉焌陶攝）

民建聯陳恒鑌（中）打流感針時捉住高永文（左二）隻手，又要黨友何俊賢（左一）陪住，搞到好似用刑咁款，事後佢話其實佢真係有少少驚打針。（劉焌陶攝）

【明報專訊】雖然這個冬天不太冷，但市民仍要提防冬季流感。噚日立法會大樓變咗臨時醫護間，有27名立法會議員「赤膊上陣」，接種季節性流感疫苗。其中民建聯鍾樹根同民主黨單仲偕(單雞)係首次接種疫苗，而人民力量陳偉業(大嚿)就同新民黨田北辰主動要求食衛局長高永文親自打針，並「交足戲」扮痛。民建聯陳恒鑌就緊捉住高永文嘅手唔放，好似好緊張咁。

入政府後3年無行醫

高永文坦言加入政府後已經3年無行醫，不過田二少打完針後就大讚高醫生「好手勢」，大嚿都話好似「蚊叮咁」，一啲都唔痛，睇嚟「重出江湖」嘅高醫生手勢都keep到。不過單雞笑言搵醫生打針「非常不智」，因為護士先係每日負責打針嘅人，更安全熟手，佢話唔會為咗博出鏡而冒險。

唔止立法會議員，特首梁振英噚日亦連同5名局長一齊接種疫苗，高永文早前亦已同醫管局高層接種咗疫苗。高永文話希望官員同議員以身作則，引起市民關注，鼓勵大家多打流感疫苗。

高永文話政府已買入40萬劑流感疫苗，現時經政府注射嘅有4萬多人，私家診所接種嘅就有12萬人，比去年同期稍高。佢預料當冬季來臨，天氣真正轉冷，12月至1月會係流感高峰期。

更多港聞

吸年輕人 樹根考慮改髮型衣著

【明報專訊】民建聯鍾樹根喺區選意外落敗，輸畀徐子見，有市民就去佢喺東區漁灣嘅辦事處「贈興」。鍾樹根接受網媒《堅料網》訪問，承認敗選其中一個原... 詳情

日前批掛住去睇象 象哥撐EQ立會救大象

【明報專訊】民建聯葛珮帆（EQ ）早排區議會選舉輸咗，黨友「象哥」黃定光話EQ成日去非洲睇大象，「救到我（象）但救唔到自己」，又叫EQ唔好選... 詳情

郭琳廣留港過聖誕 唔多講囡囡

【明報專訊】噚日係監警會主席郭琳廣發表任內第一份周年報告，近年監警會有個傳統，喺周年報告公布活動安排委員們出席與傳媒聚會交流，唔少委員噚日都... 詳情

張宇人想考察美食車 又遇阻滯

【明報專訊】財政司長曾俊華於今年初財政預算案中提出引入外國流行嘅美食車，近期成件事就好似被遺忘咗咁，無再點提過。原本立法會食安及環境衛生事務... 詳情

親泛民馮偉華謝永齡 同高票當選城大校董

【明報專訊】城市大學教職員校董會代表選舉，兩名立場親泛民的教員馮偉華及謝永齡高票當選，今屆投票率亦較上屆增約一倍，馮認為反映在現時政治氣氛下... 詳情