【明報專訊】區議會選舉中，民建聯兩名立法會議員葛珮帆(EQ)及鍾樹根都落敗，EQ事後就發短訊畀黨友致歉，又解釋其中落敗原因，係政府要�麜\選區內起樓，令佢失去部分選民支持。咁黨友係咪咁睇呢？民建聯立法會議員黃定光(象哥)噚日同傳媒聚會，就話兩名議員輸係有主觀因素，仲叫EQ唔好「賴地硬」。

指民建聯區選錯判

象哥話，無論係擊敗民協馮檢基�鴾p花陳穎欣，定係贏�臞Q�鴾u黨葉榮，都係非常勤力落區，話EQ「成日走去非洲睇我(即係大象)，睇完一次又一次」，所以EQ「救到我(象)但救唔到自己」。對於EQ歸咎政府起樓，象哥更叫對方唔好「賴地硬」，形容變幻才是永恆，做人最緊要識變通。象哥又狠批民建聯領導層�鶹嬼|度斷錯症，無理由只談民生、唔打政治牌咁話。

對於新東補選，過去有傳民建聯有意派副主席周浩鼎出戰，為佢明年出戰「超級區議會」選舉練兵，不過象哥就表明民記唔應派人出選，皆因民記選完新東補選，下年立法會都唔可能�鷊s東拎3席，認為民記唔應該見位就搶。象哥老婆係工聯會會長林淑儀，象哥申報利益，話唔係因為呢個身分先咁講，但佢覺得工聯會值得�鷊s東擁有議席，仲提議不如由理事長吳秋北「大膽�齱v出戰新東補選喎。

另外，象哥個baby新田購物城原本希望農曆新年開張，就可能要延遲到明年5月，招商方面雖然超額35%，但象哥話唔算好理想 將搞特別招商講座，邀請大品牌進駐。