【明報專訊】區議會選舉曲終人散，各政黨都先後開記者會總結，其中民建聯就話，佢�]今屆有119席，同上次係一樣，可以話係「力保」。唔少人都奇怪，明明2011年區選後民記話自己有136席，唔通民記學一男子玩語言藝術？更有傳媒為此做古仔，解釋其實民建聯議席係大跌。

上屆區選後「人來人往」

實情係點呢？民建聯噚日特登發出新聞稿「補充」資料，力證佢�]無講大話。民記解釋，上次選舉的確係有136席，但其後有16個具工聯會背景�黻狦陪�，先後退出民建聯，所以民建聯區議員人數調整至120人，有兩名區議員區選後加入該黨；而劉江華因為入政府而辭去區議員席位，另有一個議員今年退黨；一人就無用民記名義參選，所以今屆選舉前，掛民記牌頭�嬼`共有119個區議會民選議席，該黨今次區選贏��119席，如果用呢個計算方法，議席的確無增減。

其實政治一日都嫌長，好難單睇4年前歷史直接比較，話民建聯議席大跌，正如新民黨4年前未同公民力量結盟，2011年區選只得4席，但結盟後多��24個區議員議席，如果唔計呢段歷史，今次新民黨贏26席，直頭係「議席大增」，但相信大家都唔會接受呢個說法喇。