小學7000元北京沉浸課 計落成績惹擔憂

番禺會所華仁小學副校長廖潔玲（左）同鄧潔雲（右）透露，家長對呢個課程反應熱烈，唔少家長話想報名做義工跟團去北京，唔擔心課程收費影響學生報讀意欲。（李紹昌攝）

【明報專訊】唔少學校都積極搞北上交流活動，不過一般交流都係為增廣見聞居多，少有計分。Emily噚日收到報料，話同港島華仁書院直屬嘅灣仔番禺會所華仁小學，周三出咗份通告，推介全級小五生參加為期8日嘅「北京歷史文化科技普通話沉浸課程」，行程連食宿要約7000蚊至9000蚊，視乎參加人數而定。參加嘅學生要喺北京上4堂普通話課，行程最後一日要做測驗。由於通告寫明要測驗計分，並寫喺成績表上，令家長疑慮如果無錢或者唔想去，會否影響學生成績。

華仁小學﹕唔參加同學在港上課

根據該校通告，行程除咗上4堂普通話課，仲會參觀耶穌會喺北京嘅歷史遺蹟，如傳教士利瑪竇墓園同耶穌會古觀象台等。通告又話，係北京做嘅普通話評估，成績會記錄喺下學期普通話科嘅整體表現上，而唔參加嘅學生同一時段就要留喺香港上普通話課。

華仁小學兩名副校長廖潔玲同鄧潔雲和Emily傾過，兩人話呢個課程係第一次搞，而學生喺京港參與嘅普通話課程內容、試卷完全一樣；成績表只會列出普通話科嘅整體評級。唔同嘅係，有去北京嘅學生會收到證書，證明佢完成呢個課程，但同普通話科無關。

副校仲話，呢個課程最初出發點係想學生到北京「尋根」，係指辦學機構之一耶穌會嘅源頭，旅程中會參觀耶穌會喺北京留下嘅足迹。今次課程正好一併學習普通話同北京歷史、文化、科技等，一舉多得。

7000幾蚊去北京唔算平，Emily擔心未必個個家長應付到，副校廖潔玲話，家校關係好好，老師都大概知道學生家庭經濟狀况，仲好有信心咁講「如果有經濟困難嘅家庭，我哋係絕對會幫到佢嘅」，唔希望學生因為經濟問題錯過參加課程嘅機會。

更多港聞

方便落區 葉劉住酒店為黨友拉票

【明報專訊】區議會選舉星期日（22日）舉行，候選人可以話已經瞓身拉票，連政黨領袖都唔例外。 好似新民黨主席葉劉淑儀咁，雖然家住港島，但... 詳情

民政局「本土」月曆贈議員

【明報專訊】立法會噚日辯論由公民黨毛孟靜提出有關保障香港不受「大陸化」嘅動議，促請政府尊重本土歷史文化，履行《基本法》嘅承諾。相信大家都諗到... 詳情

保護大象 WWF邀造新字

【明報專訊】香港係象牙貿易主要中轉站同零售市場，為咗促請港府禁止象牙貿易同加工，世界自然基金會（WWF）香港分會宣布展開「改寫象未來」活動，... 詳情

研退出小三TSA 玫瑰崗讓家長表決 早前家長會全數舉手贊成

【明報專訊】繼兩間私立小學宣布退出明年的小三全港性系統評估（TSA）後，玫瑰崗學校（小學部）校長黃慧貞亦稱，若該校過半數家長同意不再參加小三... 詳情

教局調查﹕全部教師認為家課適量

【明報專訊】教育局去年6月宣布刪除小學生家課書寫量上限，近期不少家長表達學校功課太多，令子女欠缺休息時間，教育局昨公布小部分《課程改革可研究... 詳情