曾俊華海外睇波 半小時賺萬like

【明報專訊】唔少高官因為外訪所以無法親身去旺角大球場睇港中大戰，去咗馬尼拉嘅特首梁振英日前離港時，無答撐港隊定中國隊，只話好可惜喺當地睇不到球賽。噚晚完場無幾耐，身處羅馬尼亞外訪嘅財政司長曾俊華，竟然喺facebook上載一張自己睇緊網上港中大戰網上直播嘅相(圖)，仲話「Exciting match! @Bucharest, Romania」，發帖短短半粒鐘，已經搶到逾萬個「like」。

網民戲稱﹕因住烏紗不保

早前港隊喺旺角場迎戰同組勁旅卡塔爾，財爺突然入場觀賽，仲喺facebook發帖，當時有千幾個like。今次港中大戰嘅上演時間，係羅馬尼亞下晝2點左右。財爺一發帖，like數狂升，亦有人話財爺竟然抽水。仲有個網民話﹕「成萬個like，因住烏紗不保。」

政府新聞網噚晚都喺facebook開帖直擊賽事，但只得百幾個like，網民睇嚟唔多受落，留言話「一個唔敢撐自己人的政府冇資格再談論香港隊」。

呢場賽事，球場貴賓席唔少高官，包括港鐵主席馬時亨、立法會議員馬逢國都有入場。

更多港聞

最熟悉政治人物民調 特首第一

【明報專訊】雖然特首梁振英（CY）喺民望拎唔到第一名，但唔使灰心，因為CY榮登香港大學民意研究計劃嘅「香港巿民最熟悉政治人物」調查榜首，政務... 詳情

綠色力量推冲涼app倡減用水

【明報專訊】為呼籲市民節約用水，綠色力量第4年舉辦「冲冲5分鐘」活動，如果全港市民可於5分鐘內完成淋浴，香港一年就可以減碳78,000噸，達... 詳情

立會行管會報告﹕上年翻譯近1400萬字

【明報專訊】立法會行政管理委員會噚日發表2014/15年嘅事務報告，講吓過去一年立法會各部門嘅工作，其中翻譯及傳譯部過去一年翻譯質詢、議案、... 詳情

再4院校有教員 揭持比立勤博士 兩校稱符入職要求

【明報專訊】國力書院被指涉嫌將學生入學日期推前，令學生可短時間畢業，與國力合作的其中一間涉事菲律賓大學為比立勤國立大學（Bulacan St... 詳情

HKMA兼職講師﹕比立勤論文要求嚴格

【明報專訊】菲律賓比立勤國立大學（BSU）提供的工商管理博士課程資歷受質疑，獲得該校博士學位的香港管理專業協會（HKMA）高科技犯罪調查證書... 詳情