唔做大嘥鬼 環署推食肆回收玻璃樽

[2015.10.28] 發表

【明報專訊】環境保護署今個月起推出「乾杯暢飲盡情回收」計劃，喺14個大型商場同商廈推動食肆自願回收玻璃樽，希望佢哋唔好做「大嘥鬼」。

14大型商場商廈推行

環境局長黃錦星出席計劃啟動禮時話，香港每日產生嘅290噸廢棄玻璃樽，有三分之二嚟自工商業場所，但現時環保署嘅玻璃樽回收點都係喺屋苑，所以希望透過回收計劃，將網絡擴展到食肆，提高整體回收率。

回收樽會再造建築物料

參與食肆會分類回收同集中存放廢棄玻璃樽，由環保署委聘嘅承辦商收集之後，會循環再造成建築物料，如環保行人路磚。環保署日後擬逐步擴展到更多商場。

黃錦星話政府會帶頭完善同推動回收，包括喺回收玻璃樽嘅車隊安裝全球定位系統(GPS)，確保佢哋將玻璃樽送到合資格回收場，而政府部門亦會喺建築工程上，採用由廢棄玻璃樽循環再造嘅物料。

另外，立法會今個禮拜五將審議《促進循環再造及妥善處置(產品容器)(修訂)條例草案》，草案建議將產品容器納入「生產者責任計劃」，黃錦星話政府目標係喺今個立法年度通過法例。

更多港聞

【明報專訊】天文台預報周末轉涼，星期日會跌到20℃，港人終於可以同「熱辣辣」嘅10月講拜拜。但踏入秋冬季意味進入流感病毒高峰期，漁護署噚日就... 詳情

【明報專訊】世界盃足球外圍賽嘅「中港大戰」11月17日喺旺角場上演，門票11月4日發售。近年中港矛盾升溫，而中國隊同香港隊又有少少牙齒印，所... 詳情

【明報專訊】昂坪360邁向10周年，員工下月1日起換上全新設計嘅多功能制服，以活力形象示人。昂坪360話要支持本地創意工業，所以喺2013年... 詳情

【明報專訊】直資學校協恩中學11月2日起接受下年中一入學申請，校長李鎮洪近日到部分小學為學生及家長講解課程。協恩下年學費為每年3.2萬元，平... 詳情

【明報專訊】大批家長不滿小學過度操練全港系統性評估（TSA），在網上發起要求取消TSA，到底操練元兇是誰，各界說法不一：有指教育局拿着學校T... 詳情