甄子丹「冇學位」「要保密」 宇宙抽水最強

昂坪360同電影公司合作搞「葉問體驗館」，商經局長蘇錦樑（左三）噚日出席記者會，佢話呢類跨行業合作可集合各行之最，將香港嘅最好一面發揮出嚟。右一為甄子丹。（馮凱鍵攝）

【明報專訊】昂坪360會同電影公司合作，11月26日喺昂坪市集推出「葉問體驗館」，噚日專登請咗「宇宙最強」嘅《葉問》男主角甄子丹撐場，記者追問佢《葉問3》同之前兩套有咩分別，點知佢話「簽訂咗保密協議」，唔可以講太多，叫記者問返身旁嘅電影公司老闆黃百鳴。呢個答案咁「熟口熟面」嘅？似足港大啲校委喎。

甄子丹仲話，電影圈內唔少名人都同佢一樣，冇大學學位，依然可以喺圈內立足，叫對呢行有興趣嘅人繼續努力。嘩！講到咁，真係成個宇宙嘅水都畀佢抽乾。

「葉問體驗館」係旅發局「香港繽紛冬日節」嘅重點宣傳項目之一，展期由2015年11月27日至2016年1月31日，將會展示《葉問3》精選拍攝場景、主要演員戲服等，同埋甄子丹嘅絕密手稿。到時download佢哋個App，用手機對住特定標誌，就可以同演員合照，好似置身《葉問3》電影世界咁。

更多港聞

本土手製果醬借尖嘴誠品開舖 台灣品牌推「麻將」帆布袋攻港

【明報專訊】尖沙嘴誠品生活今日試業第3日，Emily噚日「朝聖」，發現嚟嘅大部分係香港人。誠品引入42個專櫃品牌，台灣「過江龍」趁機攻港，亦... 詳情

渣馬10公里賽報名 兩小時爆滿 網民嘆：難過買iPhone

【明報專訊】「報渣馬難過買iPhone！」一年一度嘅渣打馬拉松繼早前開始接受報名，全馬同半馬組別相繼額滿後，一向最受歡迎嘅10公里賽事噚日朝... 詳情

公民黨區選單張 莫乃光被打格

【明報專訊】公民黨噚日舉行區議會選舉誓師大會，正式宣布派出25人出戰區選。Emily到場後攞起份宣傳單張，發現個封面除咗一眾公民黨成員，仲見... 詳情