煲呔再現國慶酒會 笑容滿面 袁國強抱恙 缺席升旗禮

前特首曾蔭權噚日現身國慶酒會，佢離開會場時，有記者問佢怕唔怕被起訴，曾蔭權擰番轉頭，笑住咁揮揮手就步出會場。（李紹昌攝）

好多政策同政府唔係幾啱傾嘅公民黨，其主席余若薇（右二）都有畀面出席國慶酒會。（李紹昌攝）

前立法會議員黃宜弘噚日坐住架「三輪車」喺國慶酒會走來走去，仲好開心咁同朋友傾偈，睇嚟非常風騷。左為黃太梁鳳儀。（李紹昌攝）

【明報專訊】每年嘅十一國慶，香港政府都會喺灣仔會展搞升旗儀式同酒會，現任同前任特首都會出席和上台祝酒，舊年嘅酒會就唔見咗前特首曾蔭權(煲呔)，令到社會上好多猜測，但今年煲呔現身，全程面帶笑容，看來心情好輕鬆，並喺台上揸住酒杯同所有台上嘉賓碰杯。

律政司星期二(29日)講過，已經就曾蔭權涉貪案向廉署提供法律意見，有指該案長達3年多嘅調查即將完成，但噚日睇嚟曾蔭權心情未受消息影響。佢離開會場時，有記者問佢怕唔怕被起訴，曾蔭權擰番轉頭，笑住咁揮揮手就步出會場。

黃宜弘坐「三輪車」遊會場

除咗煲呔，酒會上都見到唔少近排少見嘅政商界名人，例如曾喺前立法會大樓外向示威者豎中指嘅前立法會議員黃宜弘，佢坐住架好特別嘅「三輪車」，喺場內遊來遊去。Emily聽聞黃宜弘年初患上肺癌，去咗美國做手術切咗左邊半個肺，休養咗一陣，噚日見到佢精神幾好，Emily祝佢早日康復。

Emily亦要祝福律政司長袁國強早日康復，因為聽講佢噚日病咗，無出席酒會同升旗禮。司長前日(30日)夜晚10點幾向記者交代南丫海難刑事檢控嘅事，之後就病咗喇。

更多港聞

民主黨區選誓師 卿姐缺席無損士氣

【明報專訊】民主黨噚日喺太子明愛中心舉行區議會誓師，黨內上下逾百人傾巢而出，除咗區議會選舉候選人，黨內元老級人馬包括創黨主席李柱銘、中委張文... 詳情

亞視員工聯署力撐葉家寶

【明報專訊】宇宙最強打工仔、亞視執董葉家寶今日再就亞視欠薪案上庭，結果難料。佢喺亞視「存亡之秋」時堅持唔「跳船」，贏得員工尊重，亞視公關及宣... 詳情

范太質疑「名譽資深大律師」 任建峰﹕咩係常委？係咪常毁？

【明報專訊】唔畀做香港大學副校長嘅陳文敏，係全港唯一一個「名譽資深大律師」，不過，全國人大常委范徐麗泰日前就質疑「名譽資深大律師係咩嚟㗎？」... 詳情

稱原為訓練學生解難 港大教師撤發問不先Google扣分

【明報專訊】資訊科技發達的年代，不少人遇問題會問「Google」。上周有港大學生在網上公開教學助理給學生的通告，通告鼓勵學生發問前自行goo... 詳情

城大教授使用創新技術 奪國際數碼藝術大獎

【明報專訊】城大創意媒體學院講座教授邵志飛於奧地利國際電子藝術競賽獲頒「2015金尼卡遠見媒體藝術先驅獎」，該獎是全球最享負盛名的數碼藝術大... 詳情