灣仔同德大押將成歷史
[2015.07.21] 發表
【明報專訊】位於灣仔軒尼詩道同馬師道交界，現址有60多年歷史兼屬於三級歷史建築物嘅灣仔地標「同德大押」，可能好快會消失於大家眼前。呢座本港碩果僅存嘅單棟式騎樓大押，原來早喺2013年8月，屋宇署已批准業主拆卸重建為23層高商廈。事隔近兩年，Emily最近行過時，見到有工人開始清拆當舖入面嘅裝修，似乎已經開始咗重建工程。
灣仔區議員伍婉婷噚日同Emily講，對於「同德大押」要清拆感到可惜，事件反映喺現時政府政策下，私人持有嘅歷史建築物，最終往往因為重建效益高而被清拆，業主無特別誘因保育，如果由政府出資買下業權，又可能會被批評亂用公帑，難以界定乜嘢情况下需要保育，陷入兩難狀態。佢認為政府應該重新檢視本港整體保育政策。
更多港聞
【明報專訊】立法會財委會上星期一口氣加開5日會，審議創新及科技局撥款申請，最終都因為有民主派議員「拉布」而未能完成審議。財會主席張宇人噚日話...
詳情
【明報專訊】人民力量陳志全（慢必）早前撰文透露佢住老人院嘅媽媽，喺唔知情下被登記咗做選民，噚日立法會一個委員會討論嚟緊區議會選舉嘅宣傳計劃，...
詳情
相關新聞
